តាកែវ៖ នៅវេលាម៉ោង៧និង៣៥នាទីព្រឹកថ្ងៃទី២៦ ខែឧសភា ឆ្នាំ២០២០ មានករណីអគ្គិភ័យឆាបឆេះ រថយន្តដឹកប្រេងដោយខ្លួនឯង ត្រង់ចំណុចភូមិចំបក ឃុំគោកព្រេច ស្រុកគិរីវង់ ខេត្តតាកែវ។
អ្នកបើកបរឈ្មោះ ភិន ទុំ ភេទប្រុស អាយុ ៤៩ឆ្នាំ មុខរបរអាជីវករ បច្ចុប្បន្នរស់នៅភូមិគោក ឃុំម្រោម ស្រុកអង្គជ័យ ខេត្តកំពត រថយន្តម៉ាក សាំយ៉ុង ពណ៌សំបកឪឡឹក ផ្លាកលេខ កំពត 2AP-1733 មានផ្ទុកនៅប្រេងម៉ាស៊ូតចំនួន ១០០ប៊ីដុងនៅលើរថយន្ត ។
មូលហេតុ បណ្តាលមកពីឆ្លងចរន្ដភ្លើងអាគុយឡាន បណ្ដាលឲ្យឆេះខូចខាតរថយន្ត និងសម្ភារទាំងស្រុង ។ រីឯកម្លាំងជំនាញពន្លត់អគ្គិភ័យ របស់អធិការដ្ឋាននគរបាលស្រុក បានបាញ់ទឹកពន្លត់អស់ ១រថយន្ត ហើយករណីនេះ មិនបណ្ដាលឲ្យគ្រោះថ្នាក់ និងផ្ទះសំបែងរបស់ ប្រជាពលរដ្ឋទេ៕
ដោយ៖តាកែវ
