ភ្នំពេញ៖ រថយន្តស៊េរីទំនើបម៉ាក រ៉ូលរ៉យមួយគ្រឿង ដែលគេស្គាល់យ៉ាងច្បាស់ថា ជារបស់អ្នកលក់ឡេអនឡាញរូបស្រស់ទើបឡើងកូដ អ្នកនាង Love Riya បានបង្កឲ្យមនុស្សម្នាមានការភ្ញាក់ផ្អើលចោមរោមមើលព្រោងព្រាត និងនាំគ្នារិះគន់ថា ឡានថ្លៃតែអ្នកបើកបរចរិតថោកផុតលេខ ថតរថយន្តបញ្ច្រាសទិសមិនស្គាល់ស្តាំ-ឆ្វេង ស្ថិតនៅមុខវាំង ក្បែរព្រះអង្គដង្កើ ដែលនាំឲ្យមានការកកស្ទះដល់អ្នកដំណើររអ៊ូរទាំជាខ្លាំង។
វីដេអូបង្កឲ្យមានការរិះគន់នេះផងដែរ ត្រូវបានគេចោទប្រកាន់ថា តារាលក់ផលិតផលឡានរូបនេះ ពុំបានទៅរកកន្លែងថតឲ្យបានត្រឹមត្រូវនោះទេ តែបានមានចេតនាថតរថយន្តនៅក្បែរកន្លែងកឹបសំបុត្រម៉ូតូ (បញ្ច្រាសទិសផ្នែកខាងឆ្វេង) រួចចុះដើរទៅអុជធូបនៅកន្លែងព្រះអង្គដង្កើយ៉ាងរំភើយ។ ហើយអ្វីដែលហួសចិត្តខ្លាំងបំផុតនោះ គឺបានបើកភ្លើងសញ្ញាសុំផ្លូវទៀត ពិតជាអស្ចារ្យណាស់!។
ទាក់ទងនឹងទង្វើថតរថយន្តមិនស្គាល់ច្បាប់ទម្លាប់នេះផងដែរ គេក៏បានគិតដល់លើរឿងមួយនេះថា តារាហ្វេសប៊ុករូបនេះ មិនដឹងថាហុចលុយទៅឲ្យសន្តិសុខប្រចាំការនៅទីនោះប៉ុន្មានទេ ទើបអាចថតបានបែបបនេះ៕
ដោយ៖ លឹម ហុង
