ស្ទឹងត្រែង:កូនស្រីខ្មែរអ៊ីស្លាមម្នាក់បានចុះលេងទឹកស្រះលង់ស្លាប់ ខណៈពេលឪពុកម្តាយរវល់ការងារនៅខាងក្រៅផ្ទះ។ ហេតុការណ៍នោះបានកើតឡើងនៅចំណុច
ភូមិរិទ្ធីសែនជ័យ(ភូមិឧបសម្ព័ន្ធ) ឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែង វេលាម៉ោង១១និង២០នាទី ថ្ងៃទី២៧ ខែឧសភា ឆ្នាំ២០២០។
លោក ហេង ណាន មេបញ្ជាការកងរាជអាវុធហត្ថស្រុកបុរីអូរស្វាយសែនជ័យ បាននិយាយឲ្យដឹងថា នៅភូមិរិទ្ធីសែនជ័យ
មានករណីក្មេងលង់ទឹកស្រះ។ ក្មេងស្រីរងគ្រោះមានឈ្មោះ យ៉ាហ្វីនី ភេទអាយុ ៨ឆ្នាំ ជនជាតិខ្មែរអ៊ីស្លាម រស់នៅភូមិ-ឃុំកើតហេតុខាងលើ។
ឪពុកម្តាយក្មេងស្រី ទើបនឹងទៅជួលផ្ទះប្រកបមុខរបរជាជាងដំដែកកាំបិត នៅភូមិរិទ្ធីសែនជ័យ១។ ពេលឪពុកម្តាយរវល់ដំដែក កូនពីរនាក់ដើរលេងក្បែរទឹកស្រះខាងក្រោយផ្ទះ។ ពេលនោះកូនស្រីច្បង ចុះលេងទឹករអិលជើងលិចក្នុងទឹក។ ទម្រាំឪពុកម្តាយដឹងកូនស្រីបាត់បង់ជីវិតបាត់ទៅហើយ៕
ដោយ:សុខុម