តាកែវៈ ឯកឧត្តមឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ បានធ្វើការព្រមានដល់អធិការចំនួន ៣ស្រុក មានស្រុកគីរីវង់ ស្រុកទ្រាំង និងក្រុងដូនកែវ ដែលមានការយឺតយ៉ាវលើសំណុំរឿងបទល្មើសព្រហ្មទណ្ឌក្នុងការស្វែងរកចាប់ខ្លួនជនសង្ស័យ ដែលបង្ករហេតុហើយ បានរត់គេចខ្លួន ដូច្នេះចាប់ពីពេលនេះតទៅបើនៅតែបង្ក្រាបមិនបានឬមានការយឺតយ៉ាវលើសំណុំរឿង និងគ្រប់គ្រងធានាសន្តិសុខសុវត្ថិភាពជូនដល់បងប្អូនប្រជាពលរដ្ឋមិនបានអស់លោកនិងត្រូវមានអ្នកជំនួសទៅលើការងារនេះជាក់ជាមិនខាន ។
ឯកឧត្តមស្នងការថ្លែងបែបនេះ នៅក្នុងកម្មវិធីប្រជុំបូកសរុបការងារ ប្រកាសតែងតាំង ផ្ទេភារកិច្ច និងបំពាក់ឋានន្តរស័ក្តិ តាំងសុបជូនដល់មន្ត្រីនរគជាតិចំនួន ១៦១រូប និងមានផ្តល់ជូននៅប័ណ្ណសរសើរ ជូនដល់មន្ត្រីនគរបាលដែលបម្រើការងារមានស្នាដៃល្អ នៅសាលប្រជុំនៃស្នងការដ្ឋាននគរបាលខេត្តតាកែវ នាព្រឹកថ្ងៃទី ២៧ ខែឧសភា ឆ្នាំ២០២០នេះ ។
ឯកឧត្តមស្នងការលោកបានបន្តថា គ្រប់អធិការគ្រប់ស្រុកនិងក្រុង ត្រូវតែពិនិត្យឡើងវិញចំពោះមុខសញ្ញាដែលវិលត្រឡប់ចូលមកស្រុកកំណើត ជាពិសេសជនបរទេស ធ្វើការតាមដានឲ្យជាប់លើ មុខសញ្ញាដែលមានការសង្ស័យនិងធ្វើការយ៉ាមកាមល្បាតនៅតាមចំណុចគោលដៅសំខាន់ៗ ដើម្បីរក្សាឲ្យបាននៅសន្តិសុខសណ្តាប់ធ្នាប់ជូនដល់បងប្អូនប្រជាពលរដ្ឋឲ្យបានល្អ មិនត្រូវឲ្យមានបទល្លើសដែលកើតមានហើយបង្ក្រាបមិនបាននោះទេ ត្រូវតែស្វះស្វែងធ្វើការស្រាវជ្រាវរកមុខសញ្ញាបង្ក យកមកផ្តន្ទាទោសទៅតាមនីតិវិធីឲ្យបានដើម្បីអោយពលរដ្ឋលោកកាន់តែមានជំនឿទុកចិត្តមកលើសមត្ថកិច្ចនគរបាលយើង ។
ក្នុងនោះដែរ លោកស្នងការបានជំរុញឲ្យស្នងការរងទទួលផែនសន្តិសុខផ្ទៃក្នុងត្រូវបន្តស្វែងយល់ និងក្តាប់សភាពការជុំវិញមូលដ្ឋានឲ្យខ្ជាប់ខ្ជួន ទៅលើការងារ និងសកម្មភាពរបស់ជនសង្ស័យ មួយចំនួន ដែលកំពុងសម្ងំគ្រោងនិងមានគោលបំណងធ្វើសកម្មភាពនានា ដែលបង្កឲ្យអសន្តិសុខ បង្កឲ្យមានភាពភ័យខ្លាចដល់ពលរដ្ឋត្រូវទប់ស្កាត់អោយបានជាមុន ៕
ដោយ៖ តាកែវ