ភ្នំពេញ : បុរសម្នាក់អង្គុយចុចទូរស័ព្ទសុខៗ ស្រាប់តែដេកសន្លប់ស្ដូកស្ដឹង ធ្វើឲ្យមិត្តភក្តិភ័យស្លន់ស្លោ និងរត់ឲ្យគេឯងជួយ ។ ក្រោយមករថយន្តសង្គ្រោះមកដឹក តែចៃដន្យអកុសលបុរសជនជាតិចិនម្នាក់នោះ បានដេកស្លាប់ ក្នុងបន្ទប់ទៅហើយ បង្កការភ្ញាក់ផ្អើល កាលពីយប់ថ្ងៃទី២៧ ខែឧសភា ឆ្នាំ ២០២០ នៅអាគារយៀកថៃបន្ទប់លេខ ១០០៣ ជាន់ទី១០ តាមផ្លូវ វីថីព្រះនរោត្តមក្រុម៦៤ សង្កាត់ទន្លេបាសាក់ខណ្ឌចំការមន ។
សពជនរងគ្រោះឈ្មោះ LIN YIZE ភេទ ប្រុស ជនជាតិចិន អាយុ ២៤ ឆ្នាំ មុខរបរ ភ្នាក់ងារតបណ្តាញ អ៊ីនធឺណិត កាន់លិខិតឆ្លងដែនលេខEA2538162 ។
ប្រភពព័ត៍មានបានឲ្យដឹងថា មុនកើតហេតុបុរសរងគ្រោះ និងមិត្តភក្តិកំពុងចុចទូរស័ព្ទលេង ស្រាប់តែរងគ្រោះសន្លប់នៅលើកៅអីអង្គុយ ហើយក៏មានការតក់ស្លុតប្ដឹងទៅខាងអ្នកគ្រប់គ្រងអគារ សុំអន្តរាគមន៍រថយន្តសង្គ្រោះ ក្រោយមកក៏រថយន្តសង្គ្រោះមកដល់ គ្រូពេទ្យក៏បានប្រាប់មកវិញា បានដាច់ខ្យល់ស្លាប់ រួចអ្នកក្រុមគ្រងអគារបានរាយការណ៍ជូននគរបាលប៉ុស្តិ៍ ដើម្បីចាក់មកត្រួតពិនិត្យសពរងគ្រោះ។
នគរបាលបានបញ្ជាក់ថា ពិតប្រាកដជាមានបុរសជនជាតិចិនម្នាក់ស្លាប់ ក្នុងអគារខាងលើមែន តែកើតហេតុកាលវេលាម៉ោង១និង០០នាទីរំលងអធ្រាត្រឈានចូលថ្ងៃទី២៧ តែនគរបាលយើងទទួលបានព័ត៌មានព្រឹកឡើង ទើបចុះមកត្រួតពិនិត្យ និងសហការជាមួយការិយាល័យបច្ចេកទេសកោសល្យវិច័យស្នងការរាជធានីភ្នំពេញ តាមសន្និដ្ឋានរបស់លោកឧកញ៉ាវិជ្ជបណ្ឌិត នង សុវណ្ណរ័ត្ន គ្រូពេទ្យអមសាលាដំបូងរាជធានីភ្នំពេញ ជនរងគ្រោះស្លាប់ដោយសារគាំងបេះដូង (ជំងឺបេះដូង) មានជំងឺបេះដូងផង សពជនរងគ្រោះត្រូវបានយកទៅរក្សាទុកនៅវត្តស្ទឹងមានជ័យ រង់ចាំទំនាក់ទំនងទៅខាងស្ថានទូតស្វែងរកគ្រួសារតាមក្រោយទៀត ៕
ដោយ ៖កូឡាប
