ភ្នំពេញ៖ បន្ទាប់ពីអធិការនគរបាលខណ្ឌមានជ័យ បានដឹកនាំបង្ក្រាបដោយផ្ទាល់ទីតាំងលេងល្បែងស៊ីសងខុសច្បាប់ (ចាក់ភ្នាល់បញ្ជល់មាន់ និងអាប៉ោង) ដោយបានឃាត់ខ្លួន ជាង២០នាក់ ក្នុងមានអ្នកកាសែតចំនួន១៣ ហើយសមត្ថកិច្ចបានដកហូតប័ណ្ណសារព័ត៌មានចំនួន១៣សន្លឹករួចមក ឯកឧត្តមរដ្ឋមន្ត្រីក្រសួងព័ត៌មាន ខៀវ កាញារីទ្ធ បានថ្លែងសារយ៉ាងខ្លីថា “បើអ្នកកាសែតសម្រុកចូលសិក្ខាសាលាដូចចូលសង្វៀនមាន់បែបនេះ យើងមិនខ្វះទេអ្នកកាសែតវិជ្ជាជីវៈ !”។
លោកវរសេនីយ៍ទោ ម៉េង វិមានតារា អធិការនគរបាលខណ្ឌមានជ័យ បានដឹកនាំបង្ក្រាបដោយផ្ទាល់ទីតាំងលេងល្បែង ស៊ីសងខុសច្បាប់ (ចាក់ភ្នាល់បញ្ជល់មាន់ និងអាប៉ោង) នៅថ្ងៃទី២៤ ខែឧសភា ឆ្នាំ២០២០ វេលាម៉ោង ១៣និង៣០នាទីនៅចំណុចដីឡូតិ៍គ្មានលេខផ្លូវឌួងងៀប ភូមិដំណាក់ធំ៣ សង្កាត់ ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ដោយបានឃាត់ខ្លួនមនុស្ស២៧នាក់ ក្នុងមានអ្នកកាសែតចំនួន១៣នាក់ផងដែរ ។
១-ជនសង្ស័យឈ្មោះ អ៊ិន សុភាព ភេទប្រុស អាយុ ៤២ឆ្នាំ ជនជាតិខ្មែរ ទីលំនៅផ្ទះជួល ផ្លូវលំ ភូមិឬស្សី សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ មុខរបរ អ្នកកាសែតសម្លេងមាស (ឃាត់ខ្លួន គ្មានផ្ទុកសារធាតុញៀន) ។
២-ជនសង្ស័យឈ្មោះ ជូ ផ្កាយព្រឹក ភេទស្រី អាយុ ១៨ ឆ្នាំ ជនជាតិខ្មែរ ទីលំនៅផ្ទះជួល ផ្លូវលំ ភូមិ ទួលពង្រ សង្កាត់ ចោមចៅ១ ខណ្ឌពោធិ៍សែនជ័យ រាជធានីភ្នំពេញ មុខរបរ អ្នកកាសែតផ្សះផ្សារជាតិ(ឃាត់ខ្លួន គ្មានផ្ទុកសារធាតុញៀន) ។
៣-ជនសង្ស័យឈ្មោះ លី លីម ភេទប្រុស អាយុ៤៥ ឆ្នាំ ជនជាតិខ្មែរ ទីលំនៅផ្ទះជួល ផ្លូវលំ ខណ្ឌឬស្សីកែវ រាជធានីភ្នំពេញ មុខរបរអ្នកកាសែតរស្មីជាតិ (ឃាត់ខ្លួន គ្មានផ្ទុកសារធាតុញៀន) ។
៤-ជនសង្ស័យឈ្មោះ ណែម ណេង ភេទប្រុស អាយុ ៤១ ឆ្នាំ ជនជាតិ ខ្មែរ ទីលំនៅផ្ទះជួល ផ្លូវលំ ភូមិ ត្រពាំងថ្លឹង សង្កាត់ ចោមចៅ១ ខណ្ឌពោធិ៍សែនជ័យ រាជធានីភ្នំពេញ មុខរបរ អ្នកកាសែតអភិវឌ្ឍន៍សង្គម (ឃាត់ខ្លួន គ្មានផ្ទុកសារធាតុញៀន) ។
៥-ជនសង្ស័យឈ្មោះ ឈុយ សារ៉ាន់ ភេទប្រុស អាយុ ៣៩ ឆ្នាំ ជនជាតិខ្មែរ ទីលំនៅផ្ទះជួល ផ្លូវលំ ភូមិ ត្រពាំងថ្លឹង សង្កាត់ ចោមចៅ១ ខណ្ឌពោធិ៍សែនជ័យ រាជធានីភ្នំពេញ មុខរបរ អ្នកកាសែតខ្មែរប្រជាប្រិយ (ឃាត់ខ្លួន គ្មានផ្ទុកសារធាតុញៀន) ។
៦-ជនសង្ស័យឈ្មោះ គួន ស៊ីណេន ភេទស្រី អាយុ ៣៩ ឆ្នាំ ជនជាតិខ្មែរ ទីលំនៅផ្ទះជួល ផ្លូវលំ ភូមិ ត្រពាំងថ្លឹង សង្កាត់ ចោមចៅ១ ខណ្ឌពោធិ៍សែនជ័យ រាជធានីភ្នំពេញ មុខរបរ អ្នកកាសែតខ្មែរប្រជាប្រិយ (ឃាត់ខ្លួន គ្មានផ្ទុកសារធាតុញៀន)។
៧-ជនសង្ស័យឈ្មោះ ផាន់ ស្រី ភេទ ស្រី អាយុ ៤៧ ឆ្នាំ ជនជាតិខ្មែរ ទីលំនៅផ្ទះជួល ផ្លូវលំ ភូមិ ទួលពង្រ សង្កាត់ ចោមចៅ១ ខណ្ឌពោធិ៍សែនជ័យ រាជធានីភ្នំពេញ មុខរបរ SNT News (ឃាត់ខ្លួន គ្មានផ្ទុកសារធាតុញៀន) ។
៨-ជនសង្ស័យឈ្មោះ បឿ តឹក ភេទប្រុស អាយុ ៥២ ឆ្នាំ ជនជាតិខ្មែរ ទីលំនៅផ្ទះជួល ផ្លូវលំ សង្កាត់ ភ្នំពេញថ្មី ខណ្ឌ សែនសុខ រាជធានីភ្នំពេញ មុខរបរ អ្នកកាសែតឯករាជ្យ (ឃាត់ខ្លួន គ្មានផ្ទុកសារធាតុញៀន) ។
៩-ជនសង្ស័យឈ្មោះ ផា រិន ភេទប្រុស អាយុ ៥៨ ឆ្នាំ ជនជាតិ ខ្មែរ ទីលំនៅផ្ទះជួល ផ្លូវលំ ភូមិ ទួលពង្រ សង្កាត់ចោមចៅ១ ខណ្ឌ ពោធិ៍សែនជ័យ រាជធានីភ្នំពេញ មុខរបរអ្នកកាសែត RSKY (ឃាត់ខ្លួន គ្មានផ្ទុកសារធាតុញៀន) ។
១០-ជនសង្ស័យឈ្មោះ ផេង សុវណ្ណរស្មី ភេទប្រុស អាយុ ៤១ ឆ្នាំ ជនជាតិខ្មែរ ទីលំនៅផ្ទះជួល ផ្លូវលំ សង្កាត់ ព្រែកឯង ខណ្ឌ ច្បារអំពៅ រាជធានីភ្នំពេញ មុខរបរ អ្នកកាសែត PCK News (ឃាត់ខ្លួន គ្មានផ្ទុកសារធាតុញៀន) ។
១១-ជនសង្ស័យឈ្មោះ អ៊ិន ណាវុធ ភេទប្រុស អាយុ ៣៦ ឆ្នាំ ជនជាតិខ្មែរ ទីលំនៅផ្ទះជួល ផ្លូវលំ ភូមិ ឬស្សី សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ មុខរបរ អ្នកកាសែតសម្លេងមាស (ឃាត់ខ្លួន គ្មានផ្ទុកសារធាតុញៀន) ។
១២-ជនសង្ស័យឈ្មោះ សូ សែន ភេទប្រុស អាយុ ៣២ ឆ្នាំ ជនជាតិខ្មែរ ទីលំនៅផ្ទះជួល ផ្លូវលំ ភូមិ ទួលពង្រ សង្កាត់ ចោមចៅ១ ខណ្ឌពោធិ៍សែនជ័យ រាជធានីភ្នំពេញ មុខរបរ អ្នកកាសែតសេនាដៃប្រាំបី (ឃាត់ខ្លួន គ្មានផ្ទុកសារធាតុញៀន) ។
១៣-ជនសង្ស័យឈ្មោះ ខៀវ ចាន់ថន ភេទប្រុស អាយុ ៥៦ ឆ្នាំ ជនជាតិខ្មែរ ទីលំនៅផ្ទះលេខ២៩០ ផ្លូវលំ ភូមិ គោកចំបក់ សង្កាត់ ចោមចៅ១ ខណ្ឌពោធិ៍សែនជ័យ រាជធានីភ្នំពេញ មុខរបរ អ្នកកាសែតសេដ្ឋកិច្ចសង្គម (ឃាត់ខ្លួន គ្មានផ្ទុកសារធាតុញៀន) ។ វត្ថុតាងចាប់យកបានមាន ប័ណ្ណសារព័ត៌មានចំនួន១៣សន្លឹក ៕
ដោយ៖កូឡាប