ភ្នំពេញ៖ ដូចដែលប្រិយមិត្តបានដឹងរួចហើយ អ្នកស្រី អ៊ាន សៀវម៉ី ជាអគ្គនាយកក្រុមហ៊ុន Caslte E Diamond Co.Ltd ដែលនាំចូលផលលិតផលថែរក្សារសម្ផស្ស Brand EiEi ផ្តាច់មុខសំរាប់អតិថិជនអស់គ្នា បាននិងកំពុងទទួលបានប្រជាប្រិយភាពជាមួយការកោតសរសើរជាខ្លាំងពីសំណាក់មជ្ឈដ្ឋានមហាជន បន្ទាប់ពីអ្នកស្រីតែងតែបានចេញមុខនៅក្នុងសង្គមជាញឹកញាប់ តាមរយៈការបរិច្ចាគជាអំណោយសប្បុរសធម៌ ទៅដល់បងប្អូនប្រជាពលរដ្ឋក្រីក្រជាច្រើន កាលពីពេលកន្លងមក និងថ្មីៗនេះ។
ក្រុមហ៊ុន Caslte E Diamond Co.Ltd បាននាំចូលនូវផលិតផល Ei Ei សម្រាប់ថែរក្សាសម្រស់ ដោយអ្នកស្រី សៀវ ម៉ី ។
ជាក់ស្តែង នៅរសៀលថ្ងៃទី២៦ ខែឧសភា ឆ្នាំ២០២០ អ្នកស្រី អ៊ាន សៀវម៉ី បាននាំយកថវិកាចំនួន 10000$ (១ម៉ឺនដុល្លារអាមេរិក) ជែលលាងដៃ និង Sprayបាញ់កម្ចាត់មេរោគ ជូនទៅកាកបាតក្រហមកម្ពុជា ព្រមទាំងមានការទទួលស្វាគមន៍យ៉ាងកក់ក្តៅអំពី សមាជិក សមាជិការ ជាពិសេស លោក គង់ សោភ័ណ្ឌ ប្រធានកាកបាទក្រហមកម្ពុជាខេត្តកណ្តាល តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាតក្រហមកម្ពុជា។ អ្នកស្រីបានបញ្ជាក់ថា ការចូលរួមមួយនេះជាមួយរាជរដ្ឋាភិបាល គឺដើម្បីដើម្បីចែករំលែកជួយបន្តរទៅជនរងគ្រោះ ក្រខ្សត់នៅតាមតំបន់នានាក្នុងប្រទេសកម្ពុជា។
បន្ទាប់មក នៅថ្ងៃទី២៧ ខែឧសភា ឆ្នាំ២០២០ អ្នកស្រីបាននាំយកថវិកាចំនួន ៥០០០ ដុល្លារអាមេរិក ដោយបានប្រគល់ដោយផ្ទាល់ទៅដល់ឯកឧត្តម សេង ទៀង ដើម្បីចូលរួមទប់ស្កាត់ជំងឺ Covid-19 ជាមួយរាជរដ្ឋាភិបាល។
តាមរយៈការសាងអំពើល្អ និងការបរិច្ចាគទានដ៏ធំធេងរបស់អ្នកស្រីផងដែរ នៅរសៀលថ្ងៃទី២៤ ខែឧសភា ឆ្នាំ២០២០ ព្រះតេជគុណទាំងពីរអង្គ តំណាងព្រះសង្ឃ និងបរិស័ទទាំងបីក្រុងស្រុក (មានក្រុងកំពង់ឆ្នាំង ស្រុករលាប្អៀរ និងស្រុកសាមគ្គីមានជ័យ ក្នុងខេត្តកំពុងឆ្នាំង) បានជូនលិខិតថ្លែងអំណរគុណដ៏ជ្រាលជ្រៅ ចំពោះអ្នកស្រី ដែលបានការចូលរួមបំពេញបុណ្យកុសលក្នុងការកសាង និងជួយដល់គ្រួសារចាស់ជរាក្រីក្រខ្វះខាតជាច្រើនកន្លងមក ដោយសេចក្តីជ្រះថ្លាបំផុត។
ជាមួយគ្នានេះផងដែរ មហាជននៅក្នុងបណ្តាញសង្គមហ្វេសប៊ុក ក៏បានសម្តែងនូវកោតសរសើរដល់អ្នកស្រីជាខ្លាំង ដោយក្នុងនោះ ពួកគាត់បានជួនពរសូមឲ្យអ្នកស្រីមានរូបសម្រស់កាន់តែស្រស់ស្អាត ជួបតែសំណាងល្អ រកស៊ីកាន់តែមានបានទ្វេដង និងពិសេសសូមឲ្យអ្នកស្រី និងក្រុមគ្រួសារ មានសុខភាពល្អទាំងអស់គ្នា៕
ដោយ៖ លឹម ហុង
