ភ្នំពេញ៖ កម្លាំងប៉ុស្តិ៍នគរបាលរដ្ឋបាលចាក់អង្រែលើ បានសហការជាមួយកម្លាំង នៃអធិការដ្ឋាននគរបាលខណ្ឌមានជ័យ ចុះល្បាតក្នុងមូលដ្ឋានមកដល់ចំណុចកើតហេតុខាងលើក៏ប្រទះឃើញជនសង្ស័យ ចំនួន០៣នាក់ កំពុងឈរដោយមានការសង្ស័យ ក៏ហៅឃាត់ត្រួតពិនិត្យ ឃើញមានក្រាមសថ្លាចំនួន ១១ កញ្ចប់ថង់តូច ១កញ្ចប់ធំល្មម (សរុប១២កញ្ចប់) នៅថ្ងៃព្រហស្បតិ៍ ទី ២៨ ខែឧសភា ឆ្នាំ ២០២០ វេលាម៉ោង៣និង៣០នាទី ទៀបភ្លឺ នៅចំណុចផ្លូវលំក្រុមទី៨ ភូមិ ព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។
សមត្ថកិច្ចបានឃាត់ខ្លួនជនសង្ស័យចំនួន ៣ នាក់ ១/ ឈ្មោះ ខេងឆាន់នី ភេទប្រុសអាយុ ២៨ឆ្នាំ ជនជាតិខ្មែរមុខរបរ កម្មករសំណង់ស្នាក់នៅ ភូមិដើមមាន ក្រុងតាខ្មៅ ខេត្តកណ្តាល។ ២/ ឈ្មោះ ផាន់សុខហេង ភេទប្រុស អាយុ ៣២ឆ្នាំជនជាតិខ្មែរ មុរបរ បើកកង់បី ស្នាក់នៅផ្ទះលេខ៧១៥ ភូមិព្រែកតាគង់៣ សង្កាត់ចាក់អង្រែលើ ខណ្ឌមានជ័យ ។ ៣/ ឈ្មោះ ទីសារិទ្ធ ភេទប្រុស អាយុ៣៥ឆ្នាំជនជាតិខ្មែរ មុរបរជាងដែក ស្នាក់នៅ ផ្លូវលំ ក្រុម៨ ភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ ។
សង្ស័យជាគ្រឿងញៀន ត្រូវឃាត់ខ្លួនយកមកធ្វើការសាកសួរនៅប៉ុស្តិ៍នគរបាលចាក់អង្រែលើតែម្ដង។ វត្ថុតាងដកហូត មាន៖ ក្រាមពណ៌សថ្លា ចំនួន១១កញ្ចប់ ថង់តូច០១កញ្ចប់ថង់ធំល្មម ទូរស័ព្ទដៃ១គ្រឿង ម៉ាក Oppo ពណ៌ផ្កាឈូក ។
បច្ចុបន្បន្នជនសង្ស័យ ចំនួន ៣នាក់ ឃាត់ខ្លួននៅ អធិការដ្ឋាននគរបាលខណ្ឌមានជ័យ កសាងសំណុំរឿង តាមនីតិវិធីច្បាប់៕
ដោយ៖សហការី CEN
