ដូចដែលប្រិយមិត្តគ្រប់គ្នា បានទទួលបានជ្រាបរួចហើយ ទាក់ទងរឿងរ៉ាវផ្ទុះកក្រើកបណ្តាញសង្គមហ្វេសប៊ុក កាលម្សិលមិញ ករណីដែលតារាហ្វេសប៊ុកលក់ឡេអនឡាញ Love Riya ថតរថយន្តស៊េរីទំនើបម៉ាក Rolls-Royce បញ្ច្រាសទិសនៅផ្លូវមុខវាំង ធ្វើឲ្យអ្នកដំណើររអ៊ូរទាំជាខ្លាំងអំពីការរំខានកកស្ទះ ហើយរឿងនេះក៏បង្កឲ្យមហាជនរិះគន់យ៉ាងធ្ងន់ៗបែបនេះថា «ឡានថ្លៃតែចរិកម្ចាស់ថោកបំផុត» និងសូម្បីប្រើប្រាស់ពាក្យពេចន៍អាក្រក់ជាច្រើនទៀត។
ក្រោយពីបានឃើញមនុស្សជាច្រើននាំគ្នាប្រើប្រាស់ពាក្យប្រមាថរិះគន់ធ្ងន់ៗបែបនេះ អត់ទ្រាំពុំបានអ្នកនាង Love Riya ក៏បានចេញវីដេអូព្រលះជេរបញ្ឆោទៅកាន់អ្នករិះគន់វិញខ្លាំងៗ និងសូមធ្វើការបកស្រាយទៅកាន់ហ្វេនៗ ដោយដឹងថា តាមពិតទៅ ដំបូងឡើយ ឡានរបស់អ្នកនាងចតនៅកន្លែងឆ្ងាយពីហ្នឹង គឺស្របខាងឆ្វេងដៃត្រឹមត្រូវដូចគេដូចឯង។ ហើយបន្ទាប់មក អ្នកនាងក៏បានចុះដើរមកអុជធូបនៅមុខព្រះអង្គដង្កើ ប៉ុន្តែ ដោយសារតែមើលស្ថានភាពមិនស្រួល ព្រោះមានមនុស្សចោមរោមកាន់តែច្រើនទៅៗ (មានទាំងអ្នកចង់ស្គាល់ និងព្រមទាំងអ្នកសុំការដាក់ទាន) អ្នកនាងក៏បានហៅតៃកុងឡានប្រញាប់មកយកតែម្តង។
អ្នកនាងបន្តថា ភ្លាមៗនោះ តៃកុងឡានក៏បានបើកមកដល់ និងបានថតបញ្ច្រាសទិស អែបចិញ្ចើមផ្លូវខាងស្តាំ ចាំទទួលអ្នកនាង (មេ) តែមួយភ្លែត (មិនដល់ ៥ នាទី ផង) កាលពីវេលាម៉ោងជាង ៥ ល្ងាច ថ្ងៃទី២៦ ខែឧសភា ឆ្នាំ២០២០ ស្ថិតនៅក្បែរកន្លែងព្រះអង្គដង្កើ៕
ដោយ៖ លឹម ហុង
ដើម្បីជ្រាបកាន់តែច្បាស់ និងចង់ថាអ្នកនាង Love Riya ឆេះកំហឹងប្រៀបដូចភ្នំភ្លើងផ្ទះយ៉ាងណា សូមទស្សនាវីដេអូខាងក្រោមទាំងអស់គ្នា៖
