សំបកចេកផ្ទុកបរិមាណប៉ូតាស្យូមយ៉ាងច្រើន (៤០%) អាចជំរុញដំណើរការបំប្លែងឲ្យប្រព្រឹត្តទៅខ្លាំងក្លាជាង ហេតុនេះនឹងដុតបំផ្លាញកាឡូរីបានច្រើនដោយសរីរាង្គនៅតែគ្រប់ថាមពលធ្វើសកម្មភាព ។ ទន្ទឹមនោះវានៅសម្បូរសារជាតិ ប្រឆាំងអុកស៊ីតកម្ម វីតាមីនក្រុម B , វីតាមីន A , ជាតិសរសៃក្នុងសំបកចេកច្រើនជាងក្នុងសាច់ ជួយឲ្យអ្នកឆ្អែតយូរជាង ។
អ្នកគួរបរិភោគសំបកចេកទុំ ព្រោះវាមានលទ្ធភាពប្រឆាំងមហារីកខ្ពស់ ក្រៅពីនេះស្នាមអុចៗខ្មៅលើសំបកចេកនៅផលិតជាសារជាតិ TNF ប្រឆាំងកោសិកាជំងឺបង្កើនអង្គបដិបក្ខ។ សំបកចេកខ្ចីក៏ជួយបំផ្លាញខ្លាញ់លើសក្នុងរាងកាយ ហេតុនេះអ្នកអាចគួបផ្សំទាំង២តាមរូបមន្តខាងក្រោមនេះ ៖
-វិធីទី១
ដំបូងលាងចេកទុំឲ្យស្អាត ទាំងសំបក រួចចិតតូចៗដាក់ចូលក្នុងម៉ាស៊ីនកិនផ្លែឈើ អាចបន្ថែមផ្លែឈើផ្សេងដែលអ្នកចូលចិត្ត តែមិនត្រូវថែមស្ករ ឬទឹកដោះគោ ។
ក្រោយពេលកិនរួចបន្ថែមទឹកក យកមកទទួលទាននឹងឆ្ងាញ់ពិសាជាង ។
អ្នកគួរទទួលទាន ២កែវ ក្នុង១ថ្ងៃ នៅមុនពេលបាយថ្ងៃត្រង់ និងឈប់ប្រមាណ១ម៉ោង ។
-វិធីទី២ ធ្វើតែ
លាងសំអាតសំបកចេកប្រមាណ១០ផ្លែ (មិនត្រូវកោសសាច់ជាប់ខាងក្នុងចេញ) ។ បន្ទាប់មកដាក់ស្ងោរក្នុងទឹកប្រមាណ១,៥-២លីត្រ ។ ដល់ពេលទឹកពុំទុកបន្ថែម៥នាទីទៀត ទើបដាក់ចុះ។ ទទួលទានពេលទឹកត្រជាក់ជំនួសទឹកសាបរាល់ថ្ងៃ ។
-វិធីទី៣ ៖ កែច្នៃជាមុខម្ហូប
អ្នកអាចហាន់សំបកកិនទៅជាសរសៃរួចយកទៅឆាបរិភោគដូចជាអាហារផ្សេងៗ ។ ក្រៅពីនេះអ្នកក៏អាចស្ងោរចេកខ្ចីទាំងសំបកទទួលទាន ៕
