ប្រទេសឥណ្ឌាប្រកាសពីគម្រោងបន្ធូរបន្ថយការបិទប្រទេសបន្ថែម បើទោះបីជាប្រទេសនេះមានការឆ្លងវីរុស COVID-19 ប្រចាំថ្ងៃក្នុងកម្រិតខ្ពស់ក្តី។
ចាប់ពីថ្ងៃទី ៨ ខែមិថុនា ភោជនីដ្ឋាន សណ្ឋាគារ ហាងលក់ទំនិញ និងកន្លែងគោរពបូជាផ្សេងៗនឹងត្រូវអនុញ្ញាតឲ្យបើកដំណើរការវិញ នៅក្នុងតំបន់មួយចំនួន។
ប៉ុន្មានសប្តាហ៍បន្ទាប់ទៀត ប្រហែលក្នុងខែកក្កដា សាលារៀន និងសកលវិទ្យាល័យនឹងបើកបង្រៀនវិញ។
ប៉ុន្តែនៅក្នុងតំបន់ដែលមានអត្រាឆ្លង COVID-19 នឹងនៅតែបន្តបិទដដែល។
ការប្រកាសពីគម្រោងបន្ធូរបន្ថយនេះកើតឡើង ក្រោយពេលប្រទេសនេះបានរកឃើញអ្នកឆ្លងវីរុសកូរ៉ូណាថ្មីជិត ៨.០០០នាក់កាលពីថ្ងៃសៅរ៍ ។
សូមបញ្ជាក់ថា ឥណ្ឌាមានអ្នកឆ្លងវីរុសកូរ៉ូណាសរុបចំនួនជាង ១៧៤.៥០០នាក់ និងអ្នកស្លាប់ជិត ៥.០០០នាក់។ ប្រទេសដែលមានប្រជាជនសរុប ១,៣ពាន់លាននាក់នេះ មិនសូវរងការវាយប្រហារខ្លាំងប៉ុន្មានឡើយ បើធៀបទៅនឹងប្រទេសមួយចំនួននៅក្នុងតំបន់អឺរ៉ុប៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
