ប្រទេសជប៉ុនកំពុងពិចារណា បើកព្រំដែនឲ្យប្រជាជនមកពីប្រទេសមួយចំនួនចូល ដែលប្រទេសទាំងនោះមានកម្រិតឆ្លងវីរុសកូរ៉ូណាទាប ខណៈដែលជប៉ុនកំពុងចាប់ផ្តើមបន្ធូរបន្ថយ ការរឹតបន្តឹងដែលបានចាត់វិធានការ កាលពីដើមឆ្នាំនេះដើម្បីគ្រប់គ្រងការរាតត្បាតវីរុស។
ប្រព័ន្ធផ្សព្វផ្សាយបានរាយការណ៍ថា រដ្ឋាភិបាលមានគម្រោងអនុញ្ញាត ឲ្យប្រជាជនមកពិប្រទេសថៃ វៀតណាម ញូហ្សឺឡែន និងអូស្ត្រាលីចូលក្នុងប្រទេសខ្លួនបាន ខណៈដែលនៅថ្ងៃចន្ទនេះ រដ្ឋាភិបាលបានបើកឲ្យមានការដំណោះការសាលារៀន រោងភាពយន្ត ក្លឹបកីឡា និងហាងលក់ទំនិញ។
មិនទាន់មានការបញ្ជាក់ណាមួយពីក្រសួងការបរទេសជប៉ុន នៅឡើយទេជុំវិញគម្រោងនេះ។
ជប៉ុនមានអ្នកផ្ទុកវីរុសប្រហែល ១៧.០០០នាក់ និងអ្នកស្លាប់ចំនួន ៩០០នាក់ គិតត្រឹមថ្ងៃចន្ទនេះ។
ចាប់តាំងពីខែកុម្ភៈមក ជប៉ុនបានហាមប្រាមបរទេស ចូលក្នុងប្រទេសរបស់ខ្លួន ដើម្បីគ្រប់គ្រងការរាតត្បាតវីរុសពីអ្នកដំណើរអន្តរជាតិ។
សារពត៌មាន Asahi Shimbun បានរាយការណ៍ថា រដ្ឋាភិបាលកំពុងពិចារណាអនុញ្ញាតិឲ្យអ្នកជំនួញមកពី ៤ប្រទេសចូលក្នុងប្រទេសជប៉ុនបាន ប្រសិនជាពួកគេធ្វើតេស្តមិនមានវីរុស នៅពេលចេញដំណើរមកពីប្រទេសពួកគេ និងពេលមកដល់ជប៉ុន។
នៅពេលធ្វើដំណើរចូលដល់ជប៉ុន នឹងមានការរឹតត្បិតការធ្វើដំណើររបស់ពួកគេ ទៅកាន់តំបន់មួយចំនួនដូចជការិយាល័យក្រុមហ៊ុន និងរោងចក្រជាដើម។ ចំណែកការប្រើប្រាសមធ្យោបាយ ធ្វើដំណើរសាធារណៈនឹងត្រូវហាមឃាត៕
អត្ថបទប្រែសម្រួលដោយ៖ សុភ័ក្រ
ប្រភព៖ Reuters
