តាកែវ៖ ក្រោមការសម្របសម្រួលនីតិវិធីដោយ លោក ជីវ ចាន់តារា ព្រះរាជអាជ្ញាអមសាលាដំបូងខេត្ត កាលពីវេលាម៉ោង ១៤នឹង២០នាទី ថ្ងៃទី៣១ ខែឧសភា ឆ្នាំ២០២០ លោកវរសេនីយ៍ឯក ង៉ែត ចាន់ធី មេបញ្ជាការរង ទទួលផែនយុត្តិធម៌ បានចុះបង្ក្រាបមុខសញ្ញាជួញដូរសារធាតុញៀនដោយខុសច្បាប់នៅចំណុច ភូមិគោកដូង ឃុំពេជសារ ស្រុកកោះអណ្តែត បានឃាត់ខ្លួនជនសង្ស័យបាន ១នាក់ ឈ្មោះ រឿន ហ៊ួត ភេទ ប្រុស អាយុ ១១ឆ្នាំ (អនិតិជន) ជនជាតិខ្មែរ មុខរបរ សិស្ស រស់នៅ កន្លែងកើតហេតុ។
ចំពោះការឃាត់ខ្លួនអនីតិជនខាងលើនេះ សមត្ថកិច្ចបានធ្វើការដកហូត បានវត្ថុតាងមួយចំនួន ម្សៅក្រាមសថ្លាចំនួន45កញ្ចប់ ទំងន់30,42ក្រាម សង្ស័យជាថ្នាំញៀន(ថ្លឹងទាំងថង់) (លទ្ធផលតេស្តបថម:ពណ៌ត្នោតលឿងទុំ ជាប្រភេទមេតំហ្វេតាមីន ICC ម៉ាទឹកកក -សម្ភារវេចខ្ចប់មួយចំនួ -ទូរស័ព្ទ១គ្រឿង។
ជនសង្ស័យជាអនិតិជន ត្រូវបានសមត្ថកិច្ចឲ្យអាណាព្យា បាលមកទទួល យកទៅលំនៅដ្នានវិញ ដោយធ្វើការអប់រំឡើងវិញ ហើយបញ្ជូនសំណុំរឿងនិងវត្ថុតាំងទៅសាលាដំបូងតាមនិតិវិធី៕
ដោយ៖តាកែវ
