ភ្នំពេញ៖ កាលពីព្រឹកថ្ងៃទី ១ ខែមិថុនា ឆ្នាំ២០២០ នៅពេលអញ្ជើញធ្វើដំណើរឆ្លងកាត់ពីទីតាំងឆ្នេរសមុទ្ររាម ឆ្ពោះមកកាន់ឆ្នេរអូត្រេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានប្រសិទ្ធិនាមឈ្មោះ ដែលទាក់ទាញទេសចរណ៍ចំនួន ៣ ជាផ្លូវការ។
១)” ខ្មែរធ្វើបាន“ ពាក្យនេះ នឹងឆ្លាក់នៅលើជញ្ជាំងភ្នំ ដែលបានកាត់ពុះជ្រែកភ្នំ ធ្វើផ្លូវចុះមកក្រោម ហើយបត់ឆ្វេងឡើងទៅលើភ្នំបត់ចុះក្រោម ឆ្ពោះទៅកាន់ឆ្នេរអូត្រេះ។
២) “សិលាចាំស្នហ៍“ គឺមានផ្ទាំងថ្មធំមួយផ្ទាំង នៅចំកណ្តាលផ្លូវពេលធ្វើដំណើរ ចុះមកពីផ្លូវលើទួលភ្នំចុះមកក្រោម។
៣) “ ដើមឈើចាំស្នេហ៍ “ គឺក្រោយពីឆ្លងកាត់សិលាចាំស្នេហ៍រួចហើយចុះមកក្រោមបន្តិចគឺមានដើមឈើធំមួយដើមដុះនៅចំកណ្តាលផ្លូវ ដែលមានចាក់បេតុងព័ទ្ធជុំវិញ ការពារសុវត្ថិភាពរួចស្រេចទៀតផង។
សម្តេចតេជោ បានថ្លែងថា “ទេសភាពធម្មជាតិដ៏ស្រស់ស្អាត នៅតាមដងផ្លូវបត់បែនឡើងចុះ ឆ្លងកាត់ភ្នំ នៅតំបន់ឆ្នេរសមុទ្ររាម គឺមានការទាក់ទាញទេសចរណ៍យ៉ាងខ្លាំង ដែលសង្ឃឹមថា នឹងក្លាយទៅជាតំបន់ទេសចរ ដ៏មានប្រជាប្រិយ និងទាក់ទាញខ្លាំងបំផុត នាពេលអនាគតឆាប់ៗនេះ”៕
ដោយ៖កូឡាប
