ភ្នំពេញ៖ ភ្ញៀវទេសចរអន្តជាតិ ដែលបានចូលទស្សនានៅតំបន់រមណីយដ្នានអង្គរក្នុងអំទ្បុងពេលនៃវិបត្តិជំងឺផ្លូវដង្ហើម កូវីដ១៩ ភាគច្រើនជាភ្ញៀវដែលបានស្នាក់នៅធ្វើការ ប្រកបអាជីវកម្ម ក្នុងព្រះរាជាណាចក្រកម្ពុជា។
នាទីស្តីការគណៈរដ្ឋមន្ត្រីសន្និសីទព័ត៌មានស្តីពី”វឌ្ឍនភាព និងទិសដៅការងារបន្តរបស់រដ្ឋបាលខេត្តសៀមរាប” ដែលមានវាគ្មិនអញ្ជើញចូលរួម “ឯកឧត្តម លី សំរិទ្ធ អភិបាលរងនៃគណៈអភិបាលខេត្តសៀមរាប” នាព្រឹកថ្ងៃទី ២ ខែមិថុនា ឆ្នាំ២០២០ ។
ឯកឧត្តម លី សំរិទ្ធ បានថ្លែងថា ដោយទ្បែកសម្រាប់ខែឧសភាឆ្នាំ២០២០ មានភ្ញៀវទេសចរបរទេស មកកម្សាន្តក្នុងខេត្តសៀមរាប មានចំនួន១៧៧៦នាក់ ហើយមានការថយចុះ៩៨,៧៧ភាគរយ បើធៀបរយៈពេលដូចគ្នាឆ្នាំ២០១៩ ចំនួន១៤៤.៥៣៦នាក់។
សម្បទាបម្រើឱ្យវិស័យទេសចរណ៍ក្នុងខេត្តសៀមរាបរួមមាន៖ សណ្នាគារមានចំនួន២៣០កន្លែង (បុគ្គលិកបម្រើការងារសរុប១២១៩២នាក់ ស្រី៥២៦៧នាក់) ក្នុងនោះ នៅក្នុងអំទ្បុងពេលនៃកូវីដ១៩ គឺ
អាជីវកម្មនៅដំណើរការមានចំនួន៤០កន្លែង បុគ្គលិកបម្រើការងារ១៣៤០នាក់ (ស្រី៤២៤នាក់) បិទអាជិវកម្មចំនួន១៨កន្លែង
ផ្អាកអាជីវកម្មចំនួន១៧២កន្លែង បុគ្គលិកបម្រើការងារដែលរងការប៉ះពាល់មានចំនួន១.០៨៥២នាក់(ស្រី៤៨៤៣)៕
ដោយ៖សហការី CEN