ប្រទេសឥណ្ឌាបានបើកដំណើរការសេវាកម្មរថភ្លើងឡើងវិញ ចំពេលដែលមានសេចក្តីរាយការណ៍ពីភាពវឹកវរ និងសភាពចង្អៀតណែនតាន់តាប់នៅស្ថានីយ៍មួយចំនួន។
ប្រជាជនឥណ្ឌាយ៉ាងតិច ១៤៥.០០០ នាក់បានធ្វើដំណើរតាមរថភ្លើងកាលពីថ្ងៃចន្ទ ខណៈដែលប្រទេសដែលមានប្រជាជនច្រើនបំផុតលំដាប់លេខ ២នេះ បានចាប់ផ្តើមបើកប្រទេសវិញ ក្រោយពេលមានការបិទអស់រយៈយ៉ាងយូរ។
រថភ្លើងចំនួន ២០០បានចាប់ផ្តើមប្រតិបត្តិការវិញ។ ប៉ុន្តែការអនុវត្តគម្លាតសង្គម និងអនាម័យបានបង្ហាញពីការលំបាកខ្លាំងក្នុងការអនុវត្ត ដោយសារតែមានមនុស្សច្រើនបានប្រមូលផ្តុំគ្នានៅខាងក្រៅស្ថាននីយ៍មួយចំនួន។
បណ្តាញផ្លូវដែកឥណ្ឌាជាធម្មតាមានការដឹកជញ្ជូនមនុស្សចំនួន ២៥លាននាក់ជារឿងរាល់ថ្ងៃ។
ក្រសួងារកិច្ចការលំនៅដ្ឋានបានចេញការណែនាំលំអិតដើម្បីឲ្យសេវាកម្មរថភ្លើងប្រតិបត្តិការទៅបានរលូន។ ក្រសួងបញ្ជាក់ថា អ្នកដំណើរទាំងអស់ ត្រូវតែធ្វើការពិនិត្យ អនុវត្តគម្លាតសង្គមនៅស្ថានីយ៍ និងនៅក្នុងរថភ្លើង ហើយសម្រាប់អ្នកដំណើរដែលមានសំបុត្រទើបអនុញ្ញាតិឲ្យជិះបាន។
ប៉ុន្តែមានស្ថានីយ៍មួយចំនួនបានរាយការណ៍ពីភាពវឹកវរ ខណៈដែលមន្ត្រីព្យាយាមពង្រឹកគោលការណ៍។
សូមបញ្ជាក់ថា កាលពីថ្ងៃអាទិត្យកន្លងទៅនេះ ឥណ្ឌាបានរកឃើញអ្នកផ្ទុកវីរុស COVID-19 ជាង ៨.៣០០នាក់ ហើយរហូតមកដល់បច្ចុប្បន្ន ប្រទេសនេះ មានអ្នកឆ្លងសរុបជិត ២០០.០០០ និងមានអ្នកស្លាប់ជាង ៥.៥៩៨នាក ខណៈអ្នកជាសះស្បើយមានជិត ១០០.០០០សែននាក់៕
បច្ចុប្បន្ន អ្នកឆ្លងសរុបទូទាំងពិភពលោកមានជាង ៦,២៧លាននាក់ និងស្លាប់ជាង ៣៧៦.០០០នាក់។ អ្នកជាសះស្បើយមាន ២,៧លាននាក់៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC