ជាការពិតណាស់ ភាពជោគជ័យរបស់មនុស្សម្នាក់ៗ គឺកើតមានឡើងទៅតាមការខិតខំប្រឹងប្រែងរៀងៗខ្លួន ដោយមិនអាចកំណត់បានឡើយ។ ប៉ុន្តែ សម្រាប់បុគ្គលដែលអាចសម្រេចនូវគោលដៅជីវិតបានយ៉ាងឆាប់ ជាមួយភាពជោគជ័យដ៏ធំទាំងនៅវ័យក្មេង នោះត្រូវបានចាត់ទុកជាមនុស្សមិនធម្មតានោះទេ។
តួយ៉ាងដូចជានារីដ៏ស្រស់ស្អាតម្នាក់ ជាអ្នកលក់ផលិតផលអនឡាញ បានធ្វើឲ្យមនុស្សជាច្រើន អ្នកធ្លាប់ស្គាល់ចំហមាត់ភ្ញាក់ផ្អើលគ្រប់ៗគ្នាតែម្តង ព្រោះតែពុំនឹកស្មានថា នាងទើបតែមានអាយុ ២៣ ឆ្នាំ ប៉ុណ្ណោះ តែអាចមានសមត្ថភាពទិញ Lexus LX570 KURU Black Edition S តម្លៃកប់ពពកយ៉ាងឡូយអស្ចារ្យ តាមរយៈមុខរបររកស៊ីដោយកម្លាំងញើសឈាមរបស់នាងផ្ទាល់ ដោយមិនលើកដៃសុំលុយគ្រួសារឡើយ។
ជាក់ស្តែង កាលពីថ្ងៃទី ៣១ ខែឧសភា ឆ្នាំ ២០២០ ស្រីស្អាតរូបនេះ ដែលមានគណនីហ្វេសប៊ុកឈ្មោះ Chamroeun Phannay បានបង្ហាញពីរូបភាពទើបទិញរថយន្តដ៏ប្រណិតខាងលើ ដោយភ្ជាប់សារមោទនភាពនឹងជោគជ័យដ៏ធំរបស់ខ្លួនយ៉ាងដូច្នេះថា៖ «នេះជាកាដូសម្រាប់ខ្លួនឯងឆ្នាំនេះ ជាការដាក់គោលដៅជីវិតខ្លួនឯងឆ្នាំនេះ គឺបានសំរេចហើយ ទីមួយគឺចង់បានកូននៅក្នុងឆ្នាំនេះ ជាក្តីបំណង់ប្រាថ្នាដ៏ធំរបស់ម៉ាក់ ដែលបានទទួលបានកូនប្រុសក្នុងឆ្នាំនេះ ហើយបំណង់ប្រាថ្នារបស់ម៉ាក់ៗទីពីរនោះរាងធំតិចហើយ គឺអាខ្មៅ Lexus LX570 KURU Black Edition S ហើយក៏ទទួលបានសម្រេចដែរ វាមិនច្រើនទេត្រឹម230000$តែសម្រាប់ខ្ញុំវាច្រើនណាស់ ពីព្រោះលុយដែលបានមកមួយកាក់មួយសេន សុទ្ធតែជាកម្លាំងញើសឈាម ដោយមិនបានសុំលុយគ្រួសារ ចង់បានអីត្រូវធ្វើដោយខ្លួនឯង ហើយក៏អរគុណខ្លួនឯងដែលបានសម្រេចបំណងប្រាថ្នាធំៗ២ក្នុងឆ្នាំនេះ»។
ទោះយ៉ាងណា នាងក៏បានបញ្ជាក់ថា ភាពជោគជ័យដ៏ធំមួយនេះ អាចមាននៅថ្ងៃនេះ ក៏អាស្រ័យដោយមានការជួយជ្រោមជ្រែងពីស្វាមីជាទីស្រឡាញ់របស់នាងផងដែរ៕
ដោយ៖ លឹម ហុង