ឆ្នាំជូត
រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អសម្រាប់លោកអ្នកសម្រុកប្រកបកិច្ចការងារដែលសំខាន់និងពិសេសអាចមានរឿងរាវល្អៗឱ្យសប្បាយចិត្តទៀតផង។ចំពោះអ្នកប្រកបការងាររាជការឬក្រុមហ៊ុនឯកជនបើលោកអ្នកមានគម្រោងឬចង់ធ្វើអ្វីមួយគួររួសរាន់ពីព្រោះផ្លែផ្កាដែលទទួលបានមកវិញគួរជាទីកក់ក្តៅ។
ជំនួញ ៖ អ្នកអាជីវករមានការលូតលាស់ទៅមុខគួរសម ហើយការរកផលកម្រៃទៀតសោតគ្រាន់បានគ្រាន់កក់ក្តៅ។
ស្នេហា ៖ ប្រុសស្រីបើមានរៀបអាពាហ៍ពិពាហ៍ឬចូលស្តីដណ្តឹងជាឱកាសល្អប្រពៃបំផុត៕
ឆ្នាំឆ្លូវ
រាសីខ្ពស់ត្រដែត។
ការងារ ៖ ក្នុងថ្ងៃនេះដោយសារយីអ៊ុនរបស់លោកអ្នកឡើងខ្ពស់ ម្ល៉ោះហើយទោះលោកអ្នកប្រកបកិច្ចការអ្វីក៏ដោយគឺតែងអាចទទួលជោគជ័យតាមសមប្រកបជានិច្ច។លោកអ្នកអាចប្រកបកិច្ចការអ្វីពេញដៃពេញជើងនិងមានតែក្រុមមនុស្សអាណិតស្រឡាញ់។
ជំនួញ ៖ តែងអាចប្រមូលភោគផលត្រឡប់ចូលផ្ទះវិញដូចជាទីគាប់ចិត្ត។ការធ្វើដំណើរឆ្ងាយជិតជួបសេចក្តីសុខក្សេមក្សាន្តដូចសព្វមួយដង។
ស្នេហា ៖ កុំភ្លើតភ្លើនតាមអារម្មណ៍អូសទាញត្រូវចេះអប់រំនិងដាស់តឿនដោយអាត្មាខ្លួនឯងទើបជាការប្រពៃបំផុត៕
ឆ្នាំខាល
រាសីស្រុតចុះ។
ការងារ ៖ នៅថ្ងៃនេះដំណើរជីវិតរបស់លោកអ្នកងាយជួបគ្រោះមិនល្អយាយីផងដែរ ម្ល៉ោះហើយទោះធ្វើអ្វីមិនអាចធ្វេសប្រហែសបានឡើយដើម្បីចៀសវាងដូចពាក្យចាស់ថា”លិចទូកកណ្តាលទន្លេ”។ទាំងស្ត្រីបុរសក្នុងពេលនេះត្រូវតាំងចិត្តបំពេញកិច្ចការងារបើពុំនោះទេនឹងជួបស្ថានភាពលំបាកជាក់ជាពុំខាន។
ជំនួញ ៖ របររកស៊ីជួញដូរជួបការលំបាកក្នុងការរកផលចំណូល ឯការចាយវាយខ្ពស់កំពុងឈានមកដល់ទៀតហើយ។
ស្នេហា ៖ ប្រុសស្រីមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំថោះ
រាសីល្អជាមធ្យម។
ការងារ ៖ នៅថ្ងៃនេះដួងរាសីរបស់លោកអ្នកធ្វើអ្វីក៏តែងមានការជឿនលឿនទៅមុខសន្សឹមៗជានិច្ច។ទោះបីយ៉ាងណាការរស់នៅតែងមានរឿងរាវនិងដំណឹងមិនល្អឈានចូលមកច្រើនផង។
ជំនួញ ៖ លាភប្រាក់កាសពុំមានសម្បូរទេ ដូច្នេះទាល់តែលោកអ្នកខិតខំខ្លាំងទើបរកប្រាក់ចំណូលគ្រប់គ្រាន់ចិញ្ចឹមឆ្នាំងបាយរស់ស្រួលខ្លួន ។
ស្នេហា ៖ កំលោះក្រមុំមានការប្រឆាំងនិងចង់ចាញ់ឈ្នះគ្នាមិនតិចសោះឡើយ៕
ឆ្នាំរោង
រាសីស្រុតចុះ។
ការងារ ៖ នៅថ្ងៃនេះដំណើរជីវិតរបស់លោកអ្នកនៅមិនទាន់ល្អនៅឡើយទេ ដូចនេះបើទោះបីធ្វើអ្វីគប្បីមានការប្រយ័ត្នប្រយែងបន្តិចទើបប្រសើរ។
ជំនួញ ៖ ការជួញដូរនៅថ្ងៃនេះដែរមានការរកាំចិត្តច្រើន ហើយផលកម្រៃទៀតសោតក៏ហូរចូលដោយតឹងណាស់ដែរ។ការធ្វើដំណើរឆ្ងាយជិតជួបភាពសុខដុមដូចសព្វមួយដង។
ស្នេហា ៖ កំលោះក្រមុំ ពោះម៉ាយមេម៉ាយក្តី មានការចាប់កំហុស ព្រោះតែភាពចង់ឈ្នះគ្នាដូចនេះត្រូវកាត់បន្ថយជម្លោះវិវាទទើបគ្មានបញ្ហាចោទឡើង៕
ឆ្នាំម្សាញ់
រាសីខ្ពស់ត្រដែត។
ការងារ ៖ នៅថ្ងៃនេះបើទោះបីលោកអ្នកពឹងពាក់អ្នកដទៃក្នុងការធ្វើអ្វីមួយឃើញថាតែងឆ្លើយតបជាផលគ្រាន់សម្រេចជោគជ័យមកវិញផង។
ជំនួញ ៖ ត្រូវរត់ទៅរកអតិថិជន ហើយត្រូវស្វះស្វែងបន្តិចទើបរកប្រាក់ចំណូលគ្រាន់ស្រួលខ្លួនទៅរួច។ការធ្វើដំណើរឆ្ងាយជិតជួបភាពសុខដុមដូចសព្វមួយដង។
ស្នេហា ៖ ប្រុសស្រីមានការប្រែប្រូលប្តូរផ្លាស់ព្រោះជួនផ្អែមល្ហែម ជួនពាក់មុខខ្លាដាក់គ្នា៕
ឆ្នាំមមី
រាសីស្រុតចុះ។
ការងារ ៖ ក្នុងថ្ងៃនេះមិនថាលោកអ្នកប្រកបការងារ ទិញផ្ទះសម្បែងធ្វើដំណើរឬធ្វើអ្វីទេចូរប្រយ័ត្នប្រយែងបន្តិច។សម្រាប់ក្នុងរង្វង់គ្រួសារស្ត្រីចូរចេះអត់ធ្មត់កិច្ចការងារផ្ទះសម្បែងបន្តិចបើពុំនោះទេនឹងកើតជម្លោះវិវាទណាមួយពុំខាន។
ជំនួញ ៖ លោកអ្នកជួបរឿងខ្វាយខ្វល់ច្រើនព្រោះតែការធ្វើជំនួញទីជិតឆ្ងាយមិនសមដូចប្រកបទេច្រើនអង្គុយស្ងាបច្រើនជាង។
ស្នេហា ៖ ប្រុសស្រីមានការប្រែប្រូលប្តូរផ្លាស់ព្រោះជួនផ្អែមល្ហែម ជួនពាក់មុខខ្លាដាក់គ្នា៕
ឆ្នាំមមែ
រាសីស្រុតចុះ។
ការងារ ៖ ក្នុងថ្ងៃនេះដួងរាសីស្រុតចុះ ដូចនេះលោកអ្នកត្រូវធ្វើអ្វីសន្សឹមៗនោះនឹងទទួលបានផលមកវិញគ្រាន់ជាទីពេញចិត្តផង។អ្នកប្រកបការងាររាជការមិនគប្បីមានភាពរឹងរូសឬយកភាពមោហៈទោសៈដាក់ខ្លួនឡើយបើពុំនោះទេនឹងជួបរឿងរាវបង់ប្រយោជន៍ណាមួយជាក់ជាពុំខាន។
ជំនួញ ៖ ថ្ងៃនេះពុំផ្តល់ផលល្អក្នុងការបណ្តាក់ទុនធំប៉ុន្មានឡើយ គួរមានការគិតគូរឱ្យបានគ្រប់ជ្រុងជ្រោយមុនធ្វើអ្វីមួយព្រោះបើបោះទុនទៅហើយមិនងាយដកទុនមកវិញឡើយ ហើយស្រួលមិនស្រួលកប់ដើមសូន្យឈឹងតែម្តង។
ស្នេហា ៖ កំលោះក្រមុំឬពោះម៉ាយមេម៉ាយក្តីមានការហួងហែងនិងម្នាក់ៗយកភាពប្រចែប្រច័ណ្ឌដឹកមុខនាំឱ្យល្អក់កករផ្លូវចិត្តច្រើន ៕
ឆ្នាំវក
រាសីស្រុតចុះ។
ការងារ ៖ នៅថ្ងៃនេះលោកអ្នកកើតបញ្ហាតប់ប្រម៉ល់ និង ការប្រកបការងារតែងរាំងស្ទះញឹកញាប់ផង។ការរស់នៅជួបបញ្ហាចម្រូងចម្រាសច្រើនពិសេសងាយកើតជម្លោះវិវាទថែមទៀត។
ជំនួញ ៖ មិនមានអ្វីប្រែប្រួលប្តូរផ្លាស់គួរកត់សម្គាល់ទេគឺទោះការជួញទីជិតឆ្ងាយតែងហុចផ្លែផ្កាមួយៗគ្រាន់ល្អប្រសើរជាង សព្វមួយដង។
ស្នេហា ៖ កំលោះក្រមុំមានការរកាំចិត្តនិងទាស់ទែងសម្តីគ្នាមិនស្ទើរដែរនោះឡើយ៕
ឆ្នាំរកា
រាសីខ្ពស់ត្រដែត។
ការងារ ៖ ក្នុងថ្ងៃនេះដួងរាសីឡើងខ្ពស់ដូចនេះលោកអ្នកអាចសម្រុកបានហើយ ពីព្រោះលទ្ធផលល្អតែងហុចមកវិញជានិច្ច។
ជំនួញ ៖ ប្រាក់រត់ចូលឬរត់ចេញអាស្រ័យទៅលើមាត់ហើយបើមិនចេះប្រើឱ្យចំទិសដៅទេប្រាក់កាសនឹងរត់ចូលថង់លុយអ្នកដទៃអស់ពុំខានទ្បើយ។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
ស្នេហា ៖ កំលោះក្រមុំឬពោះម៉ាយមេម៉ាយក្តីមានភាពលូតលាស់និងកំពុងផ្អែមល្ហែមល្អណាស់៕
ឆ្នាំច
រាសីស្រុតចុះ។
ការងារ ៖ ក្នុងថ្ងៃនេះដួងរាសីមិនល្អប្រសើរប៉ុន្មានទេ ប៉ុន្តែយ៉ាងណាបើការប្រកបការងារមានការប្រយ័ត្នប្រយែងក៏តែងឆ្លងផុតផលលំបាកទាំងពួងផងដែរ។
ជំនួញ ៖ ត្រូវរត់ទៅរកអតិថិជនហើយត្រូវស្វះស្វែងបន្តិចទើបរកប្រាក់ចំណូលគ្រាន់កាក់កប។ការធ្វើដំណើរទីជិតឆ្ងាយបើចង់ប្រកបកិច្ចការអ្វីមួយគប្បីមានការប្រយ័ត្នប្រយែងបន្តិចព្រោះតែងផ្តល់ផលអាក្រក់ច្រើនជាងល្អ។
ស្នេហា ៖ កំលោះក្រមុំមានភាពផ្អែមល្ហែមនិងត្រជាក់ត្រជុំប្រពៃណាស់៕
ឆ្នាំកុរ
រាសីស្រុតចុះ។
ការងារ ៖ នៅពេលនេះបុរសមិនទាន់ឆ្លងផុតគ្រោះយាយីនៅឡើយទេ ហេតុនេះទោះធ្វើអ្វីក៏ដោយគប្បីមានការប្រយ័ត្នប្រយែង។នៅថ្ងៃនេះដែរការប្រកបការងារអ្វីលោកអ្នកតោងតែមានការប្រយ័ត្នប្រយែងរឿងសំខាន់ៗបន្តិចពីព្រោះថាងាយកើតមានបញ្ហាអាក្រក់ជាងសព្វមួយដង។
ជំនួញ ៖ លោកអ្នកមានដំណើរជីវិតជួបរឿងរាវប៉ះទង្គិចច្រើនដូចនេះទោះធ្វើអ្វីក៏ដោយប្រយ័ត្នថ្លោះធ្លោយធ្លាក់ក្នុងគ្រោះចាញ់បោកគេ។
ស្នេហា ៖ កំលោះក្រមុំមានភាពសោះកក្រោះងាយទាំងកើតជម្លោះវិវាទតែក៏ងាយត្រូវរ៉ូវគ្នាវិញដែរ៕