ភ្នំពេញ៖ បុរសម្នាក់បើករថយន្ដស៊េរីទំនើបមួយគ្រឿង បុករថយន្ដដែលចតទុកក្បែរចិញ្ចើមផ្លូវពីក្រោយពេញទំហឹងបណ្ដាលឲ្យខ្ទាតទៅបុកនិងរបងធ្លុករងការខូចខាតយ៉ាងដំណំ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង១ និង៤០ រំលងអធ្រាត្រ ឈានចូលថ្ងៃទី៣ ខែមិថុនា ឆ្នាំ២០២០ ដែលស្ថិតតាមបណ្ដោយផ្លូវ113 ក្បែរវត្តឧណ្ណាលោម ក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ។
បើយោងតាមប្រភពពីកន្លែងកើតហេតុបានប្រាប់ដឹងថា មានស្ដ្រីម្នាក់បានយករថយន្ដមួយគ្រឿងម៉ាកព្រូសពណ៌ទឹកសមុទ្រ ពាក់ផ្លាកលេខភ្នំពេញ2BD-2769 ចតទុកក្បែរនិងរបងការដ្ឋានសាងសង់មួយកន្លែង មួយសន្ទុះក្រោមមកក៏មានបុរសម្នាក់បានបើករថយន្ដស៊េរីទំនើបមួយគ្រឿងម៉ាកឡិចសុីស RX330 ពាក់ផ្លាកលេខភ្នំពេញ 2AY-1938 ដែលបានធ្វើដំណើរក្នុងទិសដៅពីជើងមកត្បូងក្នុងល្បឿនលឿន លុះមកចំណុចកើតហេតុដោយខ្វះការប្រុងប្រយ័ត្នងោកមួយភាំងក៏រេចង្កូតទៅបុកនិងរថយន្ដព្រូសដែលបានចតទុកស្ងៀមពីក្រោយពេញទំហឹងបណ្ដាលឲ្យខ្ទាតទៅបុករបងធ្លុករងការខូចខាតយ៉ាងដំណំ។ ចំណែកឯករណីគ្រោះថ្នាក់ចរាចរណ៍នេះគ្មានអ្នករងរបួសឡើយ។
ក្រោយកេីតហេតុសមត្ថកិច្ចចុះទៅដល់ចំណុចកេីតហេតុធ្វេីការវាស់វែងយករថយន្តទាំង២គ្រឿងយកទៅការិយាល័យចរាចរណ៍ជេីងគោកនៃស្នងការរាជធានីភ្នំពេញរង់ចាំដោះស្រាយតាមច្បាប់៕
ដោយ៖ភត្រា និងសាម៉េត