តាម The Star បានរាយការណ៍ឲ្យដឹងថា ប៉ូលីសម៉ាឡេស៊ី បានឆ្មក់ចូលកន្លែងកម្សាន្តមួយកន្លែងឈ្មោះ Damansara Utama នៅវេលាម៉ោង ១២ និង ២០ នាទី អាធ្រាត ឈានចូលថ្ងៃច័ន្ទ បន្ទាប់ពីទទួលសេចក្តីរាយការណ៍ថា មានមនុស្សប្រុសស្រីកំពុងជួបជុំផឹកស៊ីសប្បាយ រំលោភលើមម្រាមហាមឃាត់ ដើម្បីទប់ស្កាត់ការរីករាលដាលជំងឺ Covid-19 ដែលពុំទាន់ត្រូវបានអនុញ្ញាតសម្រាប់ពេលនេះ។
ទីតាំងនោះត្រូវបានផ្តល់សម្រាប់ជនជាតិម៉ាឡេស៊ីចំនួន ៩៨ នាក់ និងស្ត្រីបរទេសចំនួន ៣ នាក់ មានអាយុចន្លោះពី ២១ ឆ្នាំ ទៅ ៤០ ឆ្នាំ ដែលពួកគេត្រូវបានចាប់ឃុំខ្លួនក្នុងករណីរំលោភទិដ្ឋាការរបស់ពួកគេ តាមរយៈការធ្វើការជាអ្នកទទួលភ្ញៀវ។ បុរសម្នាក់ដែលជួលពួកគេ ក៏ត្រូវបានចាប់ខ្លួនផងដែរ ព្រោះគាត់បានជួលកម្មករបរទេសទាំងនេះ ដោយគ្មានការអនុញ្ញាត ហើយក៏កំពុងលក់ស្រាដោយគ្មានអាជ្ញាប័ណ្ណលក់ស្រាទៀតផង។
ជាលទ្ធផល មនុស្ស ៩៨ នាក់ ត្រូវបានផាកពិន័យក្នុងម្នាក់ៗ RM1,000 (ស្មើនឹង ២៣៤ ដុល្លារ)។
ប៉ូលីសនិយាយថា៖ «យើងបានរឹបអូសដបស្រាចំនួន ៦៦ ដប ជាមួយបង្កាន់ដៃ៤។ លើសពីនេះ យើងក៏បានរកឃើញស្ត្រីក្នុងស្រុក២នាក់ ដែលត្រូវបានធ្វើតេស្តវិជ្ជមានគ្រឿងញៀន ហើយក៏បានឃុំខ្លួនពួកគេផងដែរ»៕
ប្រែសម្រួល៖ លឹម ហុង (ប្រភព៖ worldofbuzz)