អ្នកលក់គ្រឿងអលង្ការជនជាតិខ្មែរម្នាក់ នៅហ្សកហ្ស៊ី បានការពារហាងរបស់គាត់ពីចោរប្លន់ដែលបន្លំខ្លួនក្នុងក្រុមបាតុករ ដោយប្រើប្រាស់កាំភ្លើងរបស់គាត់ បន្ទាប់ពីកុបកម្មបានផ្ទុះឡើងនៅក្នុងតំបន់ កាលពីយប់ថ្ងៃសុក្រ។
ចាប់តាំងពីថ្ងៃសុក្រ ការតវ៉ាជាបន្តបន្ទាប់បានផ្ទុះឡើងនៅទូទាំងប្រទេស ដើម្បីថ្កោលទោសចំពោះការស្លាប់របស់បុរសស្បែកខ្មៅឈ្មោះ George Floyd ដែលបានដាច់ខ្យល់ស្លាប់ដោយស្នាដៃមន្ត្រីប៉ូលីស Minneapolis ម្នាក់ ដែលបានយកជង្គង់សង្កត់.កពុំអាចដកដង្ហើមរួច ។ នៅល្ងាចនោះ កន្លែងតវ៉ាមួយចំនួនបានកើនឡើងឈានដល់មានការលួច និងបំផ្លាញទ្រព្យសម្បត្តិឯកជន។
ម្ចាស់ហាងពេជ្រ Antwerp ដែលមានទីតាំងនៅក្នុងទីក្រុង Buckhead រដ្ឋអាត្លង់តា បានប្រឈមមុខនឹងអ្នកឈ្លានពានក្នុងស្រុក កាលពីល្ងាចថ្ងៃសុក្រ។ នៅពេលនោះ គាត់អាចការពារអាជីវកម្មរបស់គាត់ ដោយបាញ់កាំភ្លើងរបស់គាត់ ដើម្បីបន្លាចពួកអ្នកលួច។
គាត់បានពន្យល់ថា៖ «មែនហើយ! ពួកគេបានបាញ់មកលើខ្ញុំមុន ហេតុដូច្នេះ យើងត្រូវតែបាញ់តបទៅលើពួកគេវិញ។ ហើយបន្ទាប់មក ពួកគេក៏បាននាំគ្នារត់គេចចេញពីគ្រាប់កាំភ្លើង»៕
ប្រែសម្រួល៖ លឹម ហុង (ប្រភព៖ nextshark)
I think they smashed antwerp diamons of buckhead. They started shooting #AtlantaRiot #atlantaprotest pic.twitter.com/It0fqGV0dy
— Bryangee (@bryangee13) May 30, 2020
