ភ្នំពេញ៖ សង្ស័យតៃកុងងងុយដេកបើករេបុករះរថយន្ត២គ្រឿង បាក់ជើងម្ខាងបែកឈាមពេញដៃចង្កូត ហេតុការណ៍នេះ បានកើតឡើងកាលពីវេលាម៉ោង៩និង៤៥នាទីព្រឹក ថ្ងៃទី៣ ខែមិថុនា ឆ្នាំ២០២០ ស្ថិតលើកំណាត់ផ្លូវជាតិលេខ៥ ក្នុងភូមិសាមគ្គី សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
រថយន្តម៉ាកហ៊ីយ៉ាន់ដាយ ពណ៌សពាក់ផ្លាកលេខកណ្តាល 2A 1859 បើកដោយបុរសម្នាក់ មិនស្គាល់ឈ្មោះបានបាក់ជើងម្ខាង ត្រូវបានបញ្ជូនទៅសង្គ្រោះនៅមន្ទីរពេទ្យ។
រថយន្តចតចោលរងគ្រោះទាំងពីរគ្រឿង ទី១ ម៉ាកសាំយ៉ុងពណ៌សពាក់ផ្លាកលេខភ្នំពេញ 2AA 3496 ជាប្រភេទរថយន្តទេសចរណ៍ ខូចខាតក្រពឹតទ្វារខាងឆ្វេង។ ទី២ ម៉ាកហ៊ីយ៉ាន់ដាយ ពណ៌ស ពាក់ផ្លាកលេខកោះកុង 2A 0706 ក្រពឹតមុខ ដោយរុលទៅប៉ះរ៉ឺម៉ក និងខាងក្រោយដោយរថយន្តបង្កបុក។
តាមប្រភពព័ត៌មានពីកន្លែងកើតហេតុឲ្យដឹងថា នៅមុនពេលកើតហេតុរថយន្តរងគ្រោះទាំងពីរគ្រឿង បានចតនៅអែបចិញ្ចើមផ្លូវជាតិលេខ៥ ក្បាលថយន្តទិសទៅជើងទាំងពីរគ្រឿង លុះដល់ម៉ោងកើតហេតុខាងលើ ស្រាប់តែមានថយន្តបង្កខាងលើបើកតាមបណ្តោយផ្លូវជាតិលេខ៥ ពីត្បូងទៅជើងសង្ស័យងងុយដេក បើករេចង្កូតចេញពីផ្លូវទៅបុករះរថយន្តទាំងពីរគ្រឿង ជាបន្តបន្ទាប់បណ្តាលឲ្យរថយន្តខូចខាត ចំណែកតៃកុងរថយន្តបង្កបាក់ជើងម្ខាងត្រូវបានបញ្ជូនទៅសង្គ្រោះនៅមន្ទីរពេទ្យ។
ក្រោយពីកើតហេតុសមត្ថកិច្ចមូលដ្ឋាន បានមកដល់ពិនិត្យមើលស្ថានភាពហើយភាគីទាំងបីសម្រួលគ្នាមួយជំហានសិន បើកមិនត្រូវនឹងបញ្ជូនបន្ត៕
ដោយ៖សហការី CEN