មន្ទីរបញ្ចាកោណបាននិយាយកាលពីថ្ងៃអង្គារថា ខ្លួនបានចល័តទ័ពចំនួន ១.៦០០នាក់ចូលទៅក្នុងតំបន់ Washington DC។ ការចល័តនេះកើតឡើង ក្រោយពេលមានការផ្ទុះការតវ៉ាហឹង្សា អស់រយៈពេលជាច្រើនថ្លៃមកហើយ។
អ្នកនាំពាក្យមន្ទីរបញ្ចាកោណ ឈ្មោះ Jonathan Rath Hoffman បាននិយាយក្នុងសេចក្តីប្រកាសថា “ទ័ពកំពុងស្ថិតនៅមូលដ្ឋានយោធាក្នុងតំបន់វិមានរដ្ឋសភាជាតិ (National Capitol Region) ប៉ុន្តែមិនមែនស្ថិតនៅទីក្រុង Washington DC ឡើយ”។
លោកថ្លែងថា “ទ័ពកំពុងស្ថិតក្នុងស្ថានភាពប្រកាសអាសន្នខ្ពស់ ប៉ុន្តែពួកគេមិនបានចូលរួមក្នុងការគាំទ្រ ដល់ប្រតិបត្តិការអាជ្ញាធរស៊ីវិលឡើយ”។
មន្ត្រីជាន់ខ្ពស់ក្រសួងការពារជាតិអាមេរិច បាននិយាយកាលពីថ្ងៃចន្ទថា កងទ័ពនឹងចល័តចូលក្នុងតំបន់វ៉ាស៊ីនតោន។
ទ័ពទាំងនោះរួមមានកងរាជអាវុទ្ធហត្ថ និងអ្នកជំនាញវិសកម្ម ព្រមទាំងកងវរសេនាតូចថ្មើរជើង៕
អត្ថបទប្រែសម្រួលដោយ៖ សុភ័ក្រ
ប្រភព៖ Reuters