ឆ្នាំជូត
រាសីល្អជាមធ្យម។
ការងារ ៖ ក្នុងពេលនេះទោះលោកអ្នកធ្វើអ្វីក៏ដោយត្រូវចេះគិតឱ្យបានគ្រប់ជ្រុងជ្រោយនិងត្រូវដាក់ផែនការឱ្យបានល្អទើបមិនបង្កការប៉ះទង្គិចដល់គ្រាខាងមុខ។ ការរស់នៅលោកអ្នកគប្បីមានការបើកចិត្តឱ្យទូលាយហើយមិនត្រូវយកបញ្ហាអ្នកដទៃទុកខ្លួនច្រើនឡើយនាំតែកើតរឿងសៅហ្មងតែប៉ុណ្ណោះ។
ជំនួញ ៖ ជួបលើការពិបាកច្រើនព្រោះផលចំណូលរកបានដោយតានតឹងនិងភាគច្រើនលាភហេងធំៗច្រើនបោលហួសជានិច្ច។
ស្នេហា ៖ ប្រុសស្រីកុំចង់ចាញ់ឈ្នះគ្នាដោយសារការចិត្តខ្លាំងប្រយ័ត្នជម្លោះឈានដល់ការបែកបាក់៕
ឆ្នាំឆ្លូវ
រាសីស្រុតចុះ។
ការងារ ៖ ដំណើរជីវិតរបស់លោកអ្នកនាថ្ងៃឃើញថាទោះធ្វើអ្វីក៏ដោយលោកអ្នកពុំត្រូវឆាប់យល់ព្រមឬឯកភាពជាមួយអ្នកដទៃទាំប្រញាប់ប្រញាល់ដោយមិនបានមើលមុខក្រោយឡើយប្រយ័ត្នយកកទៅលអន្ទាក់ខ្លួនឯង។
ជំនួញ ៖ មានការប្រជែងគ្នាច្រើននិងពិសេសមានការប្រទាំងប្រទើសជាមួយអ្នកមានមុខរបរដូចគ្នាផងគួរមានការបើកចិត្តឱ្យទូលាយបន្តិចទើបគ្មារឿងរ៉ាវចម្រូងចម្រាសកើតមានឡើង។
ស្នេហា ៖ កំលោះក្រមុំមានការរកាំចិត្តព្រោះតែម្នាក់ៗចង់ចាញ់ឈ្នះគ្នាទៅវិញទៅមកនាំឱ្យកើតការរកាំរកូសច្រើន៕
ឆ្នាំខាល
រាសីខ្ពស់ត្រដែត។
ការងារ ៖ នៅថ្ងៃនេះឃើញថាដំណើរជីវិតរបស់លោកអ្នកល្អប្រសើរ ហើយធ្វើអ្វីៗតែងឆ្លើយតបផលត្រឡប់មកវិញគ្រាន់ជាទីពេញចិត្ត។
ជំនួញ ៖ លាភធ្លាប់តែបោលហួសឬជួបភាពតានតឹងបានផ្លាស់ប្តូរមកធូរស្រាលហើយបើមានក្រុមអតិថិជនជំពាក់ប្រាក់កាសគេអាចយកមកសងវិញទៀតផង។
ស្នេហា ៖ ប្រុសស្រីមានការរីកលូតលាស់ទៅមុខនិងកំពុងបើកទំព័រថ្មីសម្រាប់អ្នកហើយ៕
ឆ្នាំថោះ
រាសីស្រុតចុះ។
ការងារ ៖ ចាប់តាំងតែដើមខែមិថុនាមកលោកអ្នកកើតឆ្នាំថោះមួយចំនួនគឺជួបការលំបាកទាំងបញ្ហាថវិការនិងការងារ ហេតុនេះចូរអត់ធ្មត់បន្តិចទើបគ្មានបញ្ហាចោទឡើង។
ជំនួញ ៖ មានការទិញចូលលក់ចេញគ្រាន់រស់រវើកផងដែរតែយ៉ាងណាចូរប្រយ័ត្នគ្រោះបាត់របស់របរនិងគ្រោះចាញ់បោកគេដោយប្រការណាមួយ។ការធ្វើដំណើរទីជិតឆ្ងាយពិសេសទិសអាគ្នេយ៍បន្តិចព្រោះថាពុំសូវមានសុវតិ្តភាពទេគួរបន្ថែមការប្រុងប្រយ័ត្ន។
ស្នេហា ៖ កំលោះក្រមុំកើតមានការខ្វាយខ្វល់ ព្រោះតែភាពប្រចែប្រច័ណ្ឌកំពុងលុកលុយ៕
ឆ្នាំរោង
រាសីល្អជាមធ្យម។
ការងារ ៖ ឆ្លងចូលខែថ្មីនេះឃើញថាដំណើរជីវិតរបស់លោកអ្នកល្អប្រសើរឡើងវិញបន្តិច ម្ល៉ោះហើយទោះធ្វើអ្វីតែងមានការជឿនលឿនសន្សឹមនិងផ្តល់ផលមកវិញគ្រាន់កក់ក្តៅមួយចំនួនផងដែរ។
ជំនួញ ៖ ដោយសារយីអ៊ុនកំពុងដាក់ស្រាប់ម្ល៉ោះហើយធ្វើឱ្យមានក្រុមមនុស្សតាមឈ្នានីស និងព្យាបាទយាយីច្រើន ដូច្នេះត្រូវរក្សាភាពស្ងប់ស្ងាត់ទើបចៀសផុតពីជម្លោះវិវាទទាំងពួងទៅរួច។
ស្នេហា ៖ កំលោះក្រមុំកុំគប្បីឈ្លក់នឹងល្បែងកាមគុណឱ្យសោះប្រយ័ត្នរែកពន់ភាពទុក្ខសោកនៅពេលក្រោយហើយមកដេកសោកស្តាយ៕
ឆ្នាំម្សាញ់
រាសីស្រុតចុះ ។
ការងារ ៖ នៅថ្ងៃនេះឃើញថាដំណើរជីវិតរបស់លោកអ្នកស្ថិតនៅលើកំណាត់ផ្លូវរដិបរដុបពិសេសងាយកើតនូវរឿងរាចម្រូងចម្រាសជាមួយអ្នកដទៃថែមទៀត។ដោយឡែកនៅថ្ងៃនេះវិញដោយសារដួងរាសីស្រុតចុះ ហេតុនេះធ្វើអ្វីៗងាយជួបនូវបញ្ហាប៉ះទង្គិចនិងមានរឿងរាវច្រើនថែមទៀត។
ជំនួញ ៖ មុននឹងចង់ចុះទុនអ្វីមួយត្រូវចេះគិតគូរឱ្យបានច្បាស់លាស់សិនសឹមអនុវត្តជាក្រោយទើបអាចទទួលផលសម្រេចល្អ។
ស្នេហា ៖ កំលោះក្រមុំជួបរឿងខ្វាយខ្វល់ហើយចាប់កំហុសគ្នាច្រើន ព្រោះតែម្នាក់ៗចង់ចាញ់ឈ្នះគ្នាមិនតិចឡើយ៕
ឆ្នាំមមី
រាសីខ្ពស់ត្រដែត។
ការងារ ៖ នៅខែថ្មីនេះសម្រាប់ស្ត្រីដែលធ្លាប់ជួបនូវបញ្ហាលំបាកកន្លងមកបានប្រែមកធូរស្រាលវិញប៉ុន្តែសម្រាប់បុរសបញ្ហាឧបទ្រពនៅតាមយាយីធ្វើឱ្យមិនសូវសុខស្រួលខ្លួនប៉ុន្មានឡើយ។
ជំនួញ ៖ ដោយសារដួងរាសីល្អប្រសើរម្ល៉ោះហើយធ្វើមានភាពកាក់កបគួរសមទាំងការជួញទីជិតឆ្ងាយដោយអាចប្រមូលផលចំណូលត្រឡប់មកផ្ទះវិញដូចគាប់បំណង។
ស្នេហា ៖ កំលោះក្រមុំកុំគប្បីលលេងជាមួយល្បែងកាមគុណប្រយ័ត្នជួបព្យុះជីវិតនាថ្ងៃខាងមុខចៀសពុំរួចហើយត្រូវមកខូចអនាគតភ្លឺស្វាងឥតអំពើ៕
ឆ្នាំមមែ
រាសីល្អជាមធ្យម។
ការងារ ៖ នៅថ្ងៃនេះដំណើរជីវិតមានភាពភ្លឺថ្លាហើយទោះធ្វើអ្វីក៏តែងមានការចម្រើនលូតលាស់ទៅមុខជាសន្សឹមៗជានិច្ចផង។
ជំនួញ ៖ មួយរយះពេលនេះមានការខ្សត់ខ្សោយក្នុងការរកផលចំណូលណាស់ដូច្នេះគប្បីមានការអត់ធ្មត់ក្នុងមុខរបរបន្តិចទើបប្រសើរ។ការធ្វើដំណើរឆ្ងាយជិតពុំសូវមានសុវត្តិភាពប៉ុន្មានទេពីព្រោះងាយប៉ះទង្គិចនិងមានរឿងរាវយាយី។
ស្នេហា ៖ កំលោះក្រមុំមិនសូវចុះសម្រុងគ្នាប៉ុន្មានទេពីព្រោះម្នាក់ៗប្រកាន់ចិត្តខ្លាំងរៀងៗខ្លួន៕
ឆ្នាំវក
រាសីស្រុតចុះ។
ការងារ ៖ នៅថ្ងៃនេះដំណើរជីវិតរបស់លោកអ្នកមិនល្អប្រសើរទេ ពិសេសការប្រកបការងារអ្វីតែងជួបបញ្ហាល្អក់ កករនិងមានរឿងរ៉ាវប្រទាំងប្រទើសច្រើនទៀតផង។
ជំនួញ ៖ មិនសូវសមដូចប្រកបប៉ុន្មានទេគឺច្រើនខកបំណងហើយពិសេសឱ្យប្រយ័ត្នកើតរឿងជម្លោះវិវាទថែមទៀត។ ការរស់នៅចូរប្រយ័ត្នប្រយែងបញ្ហាជម្លោះវិវាទបន្តិច។
ស្នេហា ៖ កំលោះក្រមុំមិនសូវចុះសម្រុងគ្នាទេគឺតែងមានការចង់ចាញ់ឈ្នះគ្នាច្រើន៕
ឆ្នាំរកា
រាសីល្អជាមធ្យម។
ការងារ ៖ នៅថ្ងៃនេះដំណើរជីវិតមានភាពគាប់ប្រសើរហើយធ្វើអ្វីក៏មានការជឿនលឿនទៅមុខដែរ។ចំណែកការប្រកបការងារវិញមិនមានការជឿនលឿនទៅមុខប៉ុន្មានទេតែបើថយក្រោយវិញនោះក៏ឆាប់រហ័សណាស់ផង។
ជំនួញ ៖ ផលចំណូលមានហូរចូលតក់ៗគ្រាន់ផ្សើមបំពង់កអញ្ចឹងដែរប៉ុន្តែអ្នកជួញឆ្ងាយចូរប្រយ័ត្នគ្រោះចាញ់បោកគេ។ការធ្វើដំណើរទីជិតឆ្ងាយចូរប្រយ័ត្នរោគជំងឺបៀតបៀនយាយីដោយប្រការណាមួយ។
ស្នេហា ៖ កំលោះក្រមុំកើតមានការប្រចែប្រច័ណ្ឌនិងចាប់កំហុសគ្នាច្រើន៕
ឆ្នាំច
រាសីខ្ពស់ត្រដែត។
ការងារ ៖ នៅថ្ងៃនេះកិច្ចការងារប្រព្រឹត្តិទៅបានល្អពិសេសធ្វើតិចទទួលបានផលច្រើនថែមទៀត។នៅថ្ងៃនេះដែរដោយសារដួងរាសីឡើងខ្ពស់ដូចនេះផ្តល់ផលល្អៗសម្រាប់លោកអ្នកបំពេញកិច្ចការងារសំខាន់ៗពីព្រោះថាផ្លែផ្កាល្អៗតែងហុចមកវិញជានិច្ចផង។
ជំនួញ ៖ មានឧបសគ្គខ្លះៗចូលមកលុកលុយយាយីក្តីតែយ៉ាងណាប្រាក់កម្រៃមិនថាទីជិតឆ្ងាយមានហូរចូលខ្លះៗគ្រាន់ជាការដោះស្រាយចាយវាយសម្រាប់គ្រួសារ។
ស្នេហា ៖ កំលោះក្រមុំបើចង់ទំនាក់ទំនងនរណាម្នាក់មកធ្វើគូគាប់ជាពេលវេលាល្អក្នុងការភ្ជាប់ចំណងនេះហើយ៕
ឆ្នាំកុរ
រាសីខ្ពស់ត្រដែត។
ការងារ ៖ ក្នុងថ្ងៃនេះផ្តល់ផលល្អសម្រាប់លោកអ្នកទំនាក់ទំនងអ្វីមួយដែលជាកិច្ចការសំខាន់ឬកិច្ចការងារធំៗពីព្រោះថាផលល្អៗតែងផ្តល់មកវិញផង។ក្រៅពីនេះការបំពេញការងារខាងក្រៅក៏តែងទទួលផលល្អៗដូចគ្នា។
ជំនួញ ៖ យីអ៊ុនផ្តល់ផលល្អទោះចង់បណ្តាក់ទុនរកស៊ីឬធ្វើអ្វីមួយតែងហុចផ្លែផ្កាដូចសមប្រកបជានិច្ច។ការធ្វើដំណើរឆ្ងាយជិតជួបសេចក្តីសុខក្សេមក្សាន្តទាំងពេលទៅនិងត្រឡប់មកវិញ។
ស្នេហា ៖ កំលោះក្រមុំមានភាពត្រជាក់ត្រជុំនិងស្រស់ស្រាយប្រពៃណាស់៕