បាត់ដំបង៖កម្លាំងប៉ូលិសការិយាល័យប្រឆាំងគ្រឿងញៀនខេត្តបាត់ដំបង បានចាប់បុរស២នាក់ ជួញដូររក្សាទុកនិងថ្នាំម៉ាទឹកកក១៩ថង់ និង៣កំណាត់ទុយោបឺត ជញ្ជីងថ្លឹងថ្នាំញៀមមួយគ្រឿង សម្ភារពាក់ព័ន្ធមួយចំនួន កសាងសំណុំរឿងបញ្ជូនទៅតុលាការ ដើម្បីចាត់ការទៅតាមផ្លូវច្បាប់ នៅរសៀលថ្ងៃទី៣ ខែមិថុនា ឆ្នាំ២០២០។
ហេតុការណ៍ចាប់ឃាត់ខ្លួនជនសង្ស័យ២នាក់នេះ បានធ្វើឡើងកាលពីម៉ោង១៥និង០០នាទី ថ្ងៃទី២ ខែមិថុនា ឆ្នាំ២០២០ នៅចំណុចក្រុមទី១ ភូមិគោកក្ដួច ឃុំតាពួង ស្រុកថ្មគោល ខេត្តបាត់ដំបង។
លោកសុខ និមល នាយការិយាល័យប្រឆាំងបទល្មើសគ្រឿងញៀនខេត្តបាត់ដំបង បានឲ្យដឹងថា ជនសង្ស័យ២នាក់ដែលចាប់ឃាត់ខ្លួនឈ្មោះឈឿ ចិត្ត ភេទប្រុស អាយុ៤៣ឆ្នាំ រស់នៅក្រុមទី១៦ ភូមិកៀនកែស១ ឃុំគោកឃ្មុំ ស្រុកថ្មគោល ខេត្តបាត់ដំបង។ ក្នុងប្រតិបត្តិការនេះ កម្លាំងដកហូតបានថ្នាំម៉ាទឹកកក១៥ថង់ សម្ភារមួយចំនួនទៀត ហើយចាប់ឃាត់ខ្លួន កាលពីម៉ោង១៥និង០០នាទី ថ្ងៃទី២ ខែមិថុនា ឆ្នាំ២០២០ នៅចំណុចក្រុមទី១ ភូមិគោកក្ដួច ឃុំតាពួង ស្រុកថ្មគោល ខេត្តបាត់ដំបង។ ក្រោយពីសាកសួរឈ្មោះឈឿ ចិត្តកម្លាំងបានចុះទៅចាប់ឈ្មោះហៃ វិបុល ភេទប្រុស អាយុ២៧ឆ្នាំ រស់នៅក្រុមទី២ ភូមិថ្មី ឃុំបន្សាយត្រែង ស្រុកថ្មគោល ខេត្តបាត់ដំបង។ ក្នុងប្រតិបត្តិការនេះ កម្លាំងដកហូតបានថ្នាំម៉ាទឹកកក៤ថង់ និង៣កំណាត់ទុយោបឺត ជញ្ជីងថ្លឹងថ្នាំញៀនមួយគ្រឿង សម្ភារពាក់ព័ន្ធប្រើប្រាស់ថ្នាំញៀនមួយចំនួនទៀត ហើយចាប់ឃាត់ខ្លួន កាលពីម៉ោង១០និង២០នាទី ថ្ងៃទី៣ ខែមិថុនា ឆ្នាំ២០២០ នៅចំណុចក្រុមទី១ ភូមិគោកក្ដួច ឃុំតាពួង ស្រុកថ្មគោល ខេត្តបាត់ដំបង។
លោកសុខ និមល បានបញ្ជាក់ថា កម្លាំងបានសហការជាមួយកម្លាំងប៉ូលិសស្រុក ចុះបង្ក្រាបបានករណីរនេះ ហើយចាប់ឃាត់ខ្លួនជនសង្ស័យ២នាក់ និងវត្ថុតាងបានភ្លាមៗជាក់ស្ដែងតែម្ដង។ បច្ចុប្បន្ននេះ កម្លាំងបានកសាងសំណុំរឿង បញ្ជូនជនសង្ស័យនិងវត្ថុតាងទៅតុលាការ ដើម្បីចាត់ការទៅតាមផ្លូវច្បាប់ នៅរសៀលថ្ងៃទី៣ ខែមិថុនា ឆ្នាំ២០២០ហើយ៕
ដោយ៖អ៊ុងសារុំ