មនុស្សចំនួន ៣១នាក់ បានស្លាប់ក្នុងភ្នក់ភ្លើង និងជាង ៤០នាក់ទៀត រងរបួស នៅក្នុងហេតុការណ៏ឆេះមន្ទីរពេទ្យមួយ នៅក្នុងទីក្រុង Miryang ប្រទេសកូរ៉េខាងត្បូង។ នេះបើតាមការចេញផ្សាយរបស់គេហទំព័រ Yonhap របស់ប្រទេសនេះ។
អគ្គិភ័យ ត្រូវបានគេសង្ស័យថា ចាប់ផ្តើមឆេះនៅក្នុងបន្ទប់សង្គ្រោះបន្ទាន់ នៅព្រឹកថ្ងៃសុក្រនេះ នៅជាន់ទី ១ នៃមន្ទីរពេទ្យ Sejong។ អគ្គិភ័យត្រូវបានពន្លត់វិញ ក្រោយពេលក្រុមពន្លត់អគ្គិភ័យបានប្រតិបត្តិការអស់ជិត ២ម៉ោង។ អ្នកជំងឺប្រហែល ១០០នាក់ ទំនងជាកំពុងស្ថិតនៅក្នុងបន្ទីរពេទ្យ នៅពេលអគ្គិភ័យកើតឡើង។
អាជ្ញាធរបានផ្ទេរមនុស្ស ៥២នាក់ ដែលភាគច្រើនជាអ្នកជំងឺទៅកាន់មន្ទីរពេទ្យ ៤ដែលស្ថិតនៅក្បែរកន្លែងកើតហេតុ។
អាជ្ញាធរ ពុំទាន់បានដឹងភ្លាមៗពីអត្តសញ្ញាណរបស់ជនរងគ្រោះទាំងអស់នោះទេ៕ សុភ័ក្រ្ត
