អ៊ីប៊ុយប្រូហ្វេន (Ibuprofen) គឺជាថ្នាំទូទៅមួយដែលត្រូវបានរកឃើញនៅក្នុងគ្រួសារភាគច្រើន ហើយត្រូវបានគេប្រើជាថ្នាំបំបាត់ការឈឺចាប់ ដើម្បីដោះស្រាយជាមួយនឹងការឈឺខ្លួនប្រាណ។ ស្រដៀងនឹងថ្នាំប៉ារ៉ាសេតាមុលដែល នោះថ្នាំមួយប្រភេទនេះ ក៏អាចត្រូវបានទិញយ៉ាងងាយស្រួល ពីឱសថស្ថានភាគច្រើននៅក្នុងប្រទេសជាច្រើន។
ទោះយ៉ាងណា សរីរាង្គកាយមនុស្សមួយចំនួន គឺអាចទទួលរងពីប្រតិកម្មអាឡែស៊ីដោយមិនដឹងខ្លួន បន្ទាប់ពីទទួលទានថ្នាំ ibuprofen ។ ជាក់ស្តែងដូចជាស្ត្រីម្នាក់នេះ បានធ្វើឲ្យគ្រប់គ្នាអាណិតអាសូរជាខ្លាំង បន្ទាប់ពីបានជួបបិទពិសោធន៍ជីវិតដ៏អាក្រក់ បន្ទាប់ពីបានប្រើប្រាស់ថ្នាំមួយនេះ។
នៅក្នុងការបង្ហោះថ្មីមួយដែលត្រូវបានចែករំលែកនៅលើបណ្តាញសង្គមថៃ អ្នកលេងអ៊ីនធឺណេតម្នាក់បានចែករំលែករឿងរ៉ាវដ៏គួរឲ្យអាសូរ របស់នារីម្នាក់ដែលបានទិញថ្នាំបំបាត់ការឈឺចាប់អ៊ីប៊ុយប្រូហ្វេន ដើម្បីជួយនាងក្នុងការប្រយុទ្ធប្រឆាំងនឹងការឈឺចាប់ បន្ទាប់ពីទទួលការវះកាត់ធ្មេញ។ ដោយមិនពិគ្រោះជាមួយវេជ្ជបណ្ឌិត ដើម្បីទទួលបានព័ត៌មានបន្ថែមអំពីស្ថានភាពសុខភាពរបស់នាងផ្ទាល់ នាងបានលេបថ្នាំនេះមួយគ្រាប់នៅពេលព្រឹក និងមួយគ្រាប់ទៀត នៅពេលថ្ងៃត្រង់។
ហើយនោះគឺជាពេលដែលអ្វីៗប្រែជាអាក្រក់ទៅៗ។ ភ្នែករបស់នាងចាប់ផ្តើមឈឺ ហើយបបូរមាត់របស់នាងក៏ចាប់ផ្តើមហើម។ មិនយូរប៉ុន្មានកន្ទួលក៏ចាប់ផ្តើមលេចឡើងពេញក ហើយនាងមិនមានថាមពលគ្រប់គ្រាន់ សូម្បីតែចលនា។ ជាក់ស្តែង នៅពេលនេះ ខ្លួនប្រាណទាំងមូលរបស់នាងបានប្រែក្លាយដូចមនុស្សត្រូវភ្លើងឆេះ ឬ រងទឹកអាស៊ីតគួរឲ្យអាសូរ បន្ទាប់ពីនាងបានប្រើថ្នាំបំបាត់ការឈឺចាប់ ibuprofen ដែលពុំនឹកស្មានថាវាបង្កប្រតិកម្មអាឡែស៊ីបែបនេះ។
នាងត្រូវបានបញ្ជូនទៅសង្គ្រោះនៅមន្ទីរពេទ្យបន្ទាន់ ហើយបានដឹងខ្លួនឯងនៅក្នុង ICU អស់រយៈពេលជាង ៧ ថ្ងៃ ដោយសារប្រតិកម្មអាលែហ្សីធ្ងន់ធ្ងរទៅនឹងថ្នាំ ibuprofen មុនពេលនាងបានធូរស្បើយឡើងវិញ។
យោងតាមរដ្ឋបាលចំណីអាហារ និងឱសថអាមេរិក រោគសញ្ញាប្រតិកម្មអាឡែស៊ីទៅនឹងថ្នាំ ibuprofen រួមមាន៖ កន្ទួលក្រហម ហើមមុខ ហឺត ក្រហមស្បែក ឡើងកន្ទួលក្រហម ពងបែក និងល្ហិតល្ហៃដៃជើង៕
ប្រែសម្រួល៖ លឹម ហុង (ប្រភព៖ worldofbuzz)
