ភ្នំពេញ៖ ឯកឧត្តមរដ្ឋមន្ត្រីកសិកម្ម វេង សាខុនថ្លែងថា ខេត្តកំពង់ចាម ជាខេត្តមួយក្នុងចំណោមខេត្តមួយចំនួន ដែលស្ថិតនៅជាប់នឹងតំបន់ទំនាបកណ្តាលប្រទេសកម្ពុជា បានចាប់ផ្តើមប្រមូលផលស្រូវស្រាលដើមរដូវជាបណ្តើរៗហើយ ជាពិសេសនៅស្រុកព្រៃឈរ រីឯតម្លៃស្រូវសើមវិញដែលកសិករបានលក់នៅនឹងស្រែក៏ទទួលបានតម្លៃល្អប្រសើរផងដែរ គឺពី ៨៧០ ទៅ ១១៤០ រៀល ទៅតាមប្រភេទស្រូវ។
ឯកឧត្តមថា បើយោងតាមរបាយការណ៍របស់លោកប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ចាមបាន
ឲ្យដឹងថា មកទល់នឹងថ្ងៃទី០៣ ខែមិថុនា ឆ្នាំ២០២០ សម្រេចធ្វើការសាបព្រោះស្រូវរដូវវស្សាបានចំនួន ៤៥.៨៦២ ហិកតា ស្មើនឹង ៥៣,០៤% នៃផែនការ ៨៦.៤៦១ ហិកតា ។
ឯកឧត្តមរដ្ឋមន្ត្រីបន្តថា ចំពោះការងារបង្កបង្កើនផលស្រូវរដូវវស្សានៅទូទាំងប្រទេស គិតមកទល់នឹងថ្ងៃម្សិលមិញ (ទី០៣) នេះ គឺសម្រេចបានប្រមាណ ៨៨៣.៦៧៣ ហិកតា ស្មើនឹង ៣៤% នៃផែនការ ២៥៨៨ ១៣០ ហិកតា ហើយទន្ទឹមនឹងនេះក៏បានប្រមូលផលស្រូវស្រាលដើមរដូវជាបណ្តើររួចមកហើយដែរ នៅលើផ្ទៃដីប្រមាណជា ២ ១១៥ ហិកតា ដែលទទួលបានផលជាមធ្យម ៤,០៧ ត/ហិកតា។
ដោយឡែក លទ្ធផលនៃការនាំចេញផលិតផលកសិកម្មមួយចំនួន ក្រៅពីអង្ករ/ស្រូវ ដែលបានឆ្លងកាត់ការត្រួតពិនិ
ត្យភូតគាមអនាម័យនៃអគ្គនាយកដ្ឋានកសិកម្ម នៃក្រសួងកសិកម្ម រុក្ខាប្រមាញ់ និងនេសាទ ក្នុងរយៈពេល ៥ខែដើមឆ្នាំ២០២០ (ក្នុងដំណាក់កាលនៃការរីករាលដាលសកលនៃមេរោគកូវិដ ១៩) សម្រេចបានដូចខាងក្រោម៖1) ចំណិតដំឡូងមីក្រៀមនាំចេញបាន ៩៩៦ ២៩០ តោន កើនឡើងប្រមាណ ៨៨ ២៩០ តោន ស្មើនឹង ៩,៧២% ដែលធៀបនឹងរយៈ៥ខែដើមឆ្នាំ២០១៩ មានចំនួនតែ ៩០៨ ០០០ តោនប៉ុណ្ណោះ។
ម្សៅដំឡូងមីនាំចេញបាន ១០ ២៧២ តោន ថយចុះប្រមាណ ៣៧១ ៤២៨ តោន ស្មើនឹង -៩៧,៣០% ដែលធៀបទៅនឹងរយៈ៥ខែដើមឆ្នាំ២០១៩ មានចំនួន ៣៨១ ៧០០ តោន ។3) គ្រប់ស្វាយចន្ទីនាំចេញបាន ១៩០.១៤១ តោន កើនឡើងប្រមាណ ៣៨ ៥៨១ តោន កើនឡើង ២៥,៤៦% ដែលធៀបទៅនឹងរយៈ៥ខែដើមឆ្នាំ២០១៩ មានចំនួនតែ ១៥១.៥៥០ តោនប៉ុណ្ណោះ ។ 4) គ្រាប់ពោតនាំចេញបាន ៣៥.៦៣៦ តោន ថយចុះប្រមាណ ១៥ ០៤៣ តោន ស្មើនឹង -២៩,៦៨% ដែលធៀបទៅនឹងរយៈ៥ខែដើមឆ្នាំ២០១៩ មានចំនួន ៥០.៦៧៩ តោន ។ 5) ផ្លែចេកស្រស់នាំចេញបាន ១២១.៤១៥ តោន កើនឡើងប្រមាណ ៧៦.៨៩៧ តោន ស្មើនឹង ១៧២,៧៣% ដែលធៀបទៅនឹងរយៈ៥ខែដើមឆ្នាំ២០១៩ មានចំនួនតែ ៤៤.៥១៨ តោនប៉ុណ្ណោះ ។ 6) ផ្លែស្វាយស្រស់នាំចេញបាន ៤៤.០៩៩ តោន កើនឡើងប្រមាណ ១៤ ៨៨៥ តោន ស្មើនឹង ៥០,៩៥% ដែលធៀបទៅនឹងរយៈ៥ខែដើមឆ្នាំ២០១៩ មានចំនួនតែ ២៩.២១៤ តោនប៉ុណ្ណោះ ។ 7) ម្រេចនាំចេញបាន ២.៥២៧ តោន កើនឡើងប្រមាណ ៤៦៦ តោន ស្មើនឹង ២២,៦១% ដែលធៀបទៅនឹងរយៈ៥ខែដើមឆ្នាំ២០១៩ មានចំនួនតែ ២០.០៦១ តោនប៉ុណ្ណោះ ៕
ដោយ៖សម្ផស្ស