ស្ទឹងត្រែង:លោកម៉ុម សារឿនអភិបាលខេត្តស្ទឹងត្រែង បានអញ្ជើញជាអធិបតីក្នុងពិធីបើកវគ្គតម្រង់ទិសស្តីពី”ការគ្រប់គ្រងរដ្ឋបាលក្រុង ស្រុក” នៅថ្ងៃទី៤ខែមិថុនាឆ្នាំ២០២០។
វគ្គទម្រង់ទិសនេះប្រព្រឹត្តទៅនៅសាលប្រជុំធំសាលាខេត្ត និងមានការចូលរួមពីសំណាក់ ប្រធានប្រឹក្សាក្រុង ស្រុក គណៈអភិបាលក្រុង ស្រុក ព្រមទាំងមន្ត្រីមកពីតាមបណ្តាលក្រុង ស្រុកទាំង៦ ក្នុងខេត្តស្ទឹងត្រែងសរុបចំនួន ១៨០នាក់។
លោក ម៉ុម សារឿន បានមានប្រសាសន៍ថា វគ្គតម្រង់ទិសស្តីពីការគ្រប់គ្រងរដ្ឋបាលក្រុង ស្រុក ដែលបានរៀបចំឡើងនាពេលនេះ គឺជាវគ្គពិសេសមួយសម្រាប់ផ្តល់នូវចំណេះដឹងសម្រាប់ជាជំនួយស្មារតីដល់សិក្ខាកាម។ សិក្ខាកាមទាំងអស់អាចបំពេញតួនាទីភារកិច្ចរបស់ខ្លួនប្រកបដោយប្រសិទ្ធភាព និងស័ក្តិសិទ្ធភាព ក្នុងគោលបំណងឆ្លើយតបទៅនឹងសេចក្តីត្រូវការរបស់ប្រជាពលរដ្ឋ។
ជាមួយ ការអភិវឌ្ឍមូលដ្ឋានប្រកបដោយការឆ្លើយតប តម្លាភាព គណនេយ្យភាព សមធម៌ និងបរិយាប័ន្ន សំដៅបង្កើតជំរុញ និងធ្វើ៎ឲ្យមានចីរភាពដល់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ។ ព្រមទាំងរួមចំណែកបានក្នុងការលើកកម្ពស់គុណភាពជីវិតរបស់ប្រជាពលរដ្ឋនៅក្នុងមូលដ្ឋាននៃដែនសមត្ថកិច្ចឲ្យកាន់តែប្រសើរ៕
ដោយ ៖ សុខុម
