អ្នកប្រើប្រាស់អ៊ិនធឺណិតជាច្រើន មានការភ្ញាក់ផ្អើលយ៉ាងខ្លាំង បន្ទាប់ពីរូបប៉ុន្មានសន្លឹករបស់អ្នកប្រើ Weibo ជនជាតិចិន២នាក់ ត្រូវបានគេយកទៅកែច្នៃ (edit) ហើយបញ្ចេញនៅលើអ៊ិនធឺណិត ដែលបង្ហាញពីភាពពិត នៃអ្វីដែលស្ថិតនៅពីក្រោយកាមេរ៉ា និងកម្មវិធីកែសំរួល។
នៅថ្ងៃទី២១ ខែឧសភា ទំព័រហ្វេសប៊ុកមួយដែលមានឈ្មោះថា Ex Treme បានបង្ហោះរូបភាពជាច្រើនសន្លឹក (មុន និងក្រោយ) និងរូបក្រោយឆាក នៃអ្វីដែលមើលទៅផ្តើមចេញពីការថតរូបធម្មតាប៉ុណ្ណោះ។
ទន្ទឹមនេះផងដែរ អ្នកប្រើប្រាស់បណ្តាញសង្គមជាច្រើន បានសម្តែងការងឿងឆ្ងល់ជាខ្លាំង ពីភាពអស្ចារ្យនៃកម្មវិធីកែសម្រួល និងវិធីដែលវាអាចផ្លាស់ប្តូររូបរាងរបស់នរណាម្នាក់ទាំងស្រុង ដោយគ្រាន់តែចុចប៊ូតុងប៉ុណ្ណោះជាការស្រេច។
តែយ៉ាងណា រូបភាពទាំងនោះក៏នាំឱ្យមានចម្ងល់លើកឡើងថាវាជារឿងមិនសមហេតុផល និងទាមទារឱ្យមានស្តង់ដារសម្រស់នៅក្នុងប្រព័ន្ធផ្សព្វផ្សាយសង្គម។ ក្នុងនោះ អ្នកប្រើបណ្តាញសង្គមម្នាក់បានឆ្លើយតបថា៖ «នេះជាមូលហេតុដែលអ្នកមិនគួរជឿទុកចិត្តលើរូបថតស្អាតៗរបស់មនុស្សតាមអ៊ិនធរណេតទៀតទេ»។
មិនមែនតែរូបថតប៉ុន្មានសន្លឹកនេះទេ គឺនៅមានរូបភាពកែច្នៃជាច្រើនទៀត ក៏ត្រូវបានគេបញ្ចេញនៅលើអ៊ីនធឺណិតផងដែរ កាលពីពេលកន្លងទៅ៕
ប្រែសម្រួល៖ លឹម ហុង (ប្រភព៖ nextshark)