ដូចដែលប្រិយមិត្ត និងមហាជនបានដឹងរួចហើយ តារា Tik Tok សុខា បើទោះទទួលរងនូវការរិះគន់ដៀលថា ជាមនុស្សកាកសង្គម មនុស្សសំរាម យ៉ាងណា ក៏តារាធ្វើឆ្កួតឡប់ល្បីតាមបណ្តាញសង្គមរូបនេះ នៅតែទទួលការគាំទ្រ និងផ្តល់កម្លាំងចិត្ត ពីសំណាក់មនុស្សជុំវិញជាច្រើន ដែលមានក្តីអាណិតអាសូរ។
ទោះយ៉ាងណា កាលពីម្សិលមិញនេះ (ថ្ងៃទី៥ ខែមិថុនា) តារា Tik Tok រូបនេះ បានធ្វើឲ្យគ្រប់គ្នានៅលើបណ្តាញសង្គម ផ្ទុះការភ្ញាក់ផ្អើលជាខ្លាំង ខណៈរូបគេបង្ហាញខ្លួនក្នុងឈុតអ្នកជំងឺ ក្នុងវីដេអូ Live ដោយបានបញ្ជាក់ប្រាប់ទៅហ្វេនៗថា រូបគេបានសម្រេចចិត្តទទួលយកការវះកាត់កែសម្ផស្សហើយ នៅហាងកែសម្ផស្សមួយឈ្មោះថា «Malis Beauty Clinic ម្លិះថែរក្សាសម្ផស្ស» ស្ថិតនៅម្តុំគល់ស្ពានជ្រោយចង្វា។
ជាការពិតណាស់ ដូចតាមការសន្យា ម្ចាស់ហាង Malis Beauty Clinic ក៏បានធ្វើការកែសម្ផស្ស សុខា ដោយបានបង្ហោះវីដេអូ ពីលទ្ធផលក្រោយការកែសម្ផស្ស សុខា ជាមួយទម្រង់មុខថ្មីសប្លែកពីមុន។ បើតាម សុខា ការកែសម្ផស្សនេះ ពុំត្រូវបានធ្វើការវះកាត់ទេ គឺគ្រាន់តែចាក់ប៉ុណ្ណោះ។
គួរបញ្ជាក់ផងដែរថា ក្រៅពីជួយកែសម្ផស្សដោយឥតគិតថ្លៃ ម្ចាស់ហាងចិត្តធម៌ខាងលើ ក៏បានឧបត្ថម្ភម៉ូតូម៉ាក Honda Scoopy ១គ្រឿង និងថវិកា ៥០ ដុល្លារ ដល់សុខា ដើម្បីចាក់សាំងទៀតផង៕
ដោយ៖ លឹម ហុង
