ក្រសួងការបរទេសរុស្ស៊ីបានជំរុញអាជ្ញាធរអាមេរិច គោរពសិទ្ធិពលរដ្ឋអាមេរិចកាំង ក្នុងការធ្វើបាតុកម្មសន្តិវិធី។ ការជំរុញរបស់រុស្ស៊ីកើតឡើង ក្រោយពេលមានការតវ៉ាទូទាំងអាមេរិច ប្រឆាំងនឹងការរើសអើសពូជសាសន៍ បន្ទាប់ពីមានការស្លាប់បុរសជនជាតិស្បែកខ្មៅម្នាក់ឈ្មោះ George Floyd។
អ្នកនាំពាក្យក្រសួងការបរទេសរុស្ស៊ី អ្នកស្រី Maria Zakharova បានថ្លែងថាទីក្រុងមូស្កូវ បានធ្វើការកត់សម្គាល់ ពីការប្រើប្រាស់ឧស្ម័នបង្ហូរទឹកភ្នែក ដើម្បបំបែកការប្រមូលផ្តុំ និងការចាប់ខ្លួនទ្រង់ទ្រាយធំ លើអ្នកតវ៉ានៅអាមេរិច។
អ្នកស្រីថ្លែងថាទៀតថា អ្នកកាសែតមួយចំនួន រួមទាំងអ្នកកាសែតរុស្ស៊ីផង បានរងរបួស ខណៈពេលចូលយកព័ត៌មានពីការបាតុកម្ម។
អ្នកស្រីបន្តទៀថា “វាដល់ពេលវេលាដែលអាមេរិច បោះបង់ចោលការណែនាំដល់គេ និងឆ្លុះកញ្ចប់មើលខ្លួនឯងវិញម្តង” និងជំរុញដល់អាជ្ញាធរអាមេរិច ចាប់ផ្តើមគោរពសិទ្ធិពលរដ្ឋខ្លួន និងអនុវត្តគោលការណ៍លទ្ធិប្រជាធិបតេយ្យក្នុងប្រទេសពួកគេ៕
អត្ថបទប្រែសម្រួលដោយ៖ សុភ័ក្រ
ប្រភព៖ Wdio
