ប៉ូលីសនៅ Surabaya និយាយថា ពួកគេកំពុងស៊ើបអង្កេតវីដេអូចោទប្រកាន់មួយ ដែលត្រូវបានថតនៅឯមន្ទីរពេទ្យមួយកន្លែង ក្នុងទីក្រុង East Java ដោយបានបង្ហាញឲ្យឃើញស្ត្រីអ្នកជំងឺម្នាក់បានស្រែកទ្រហ៊ោយំឥតឈប់ឈរ បន្ទាប់នាងបានទទួលការបៀតបៀនផ្លូវភេទ ។
នៅក្នុងវីដេអូដែលរីករាលនាពេលថ្មីៗនេះ អ្នកជំងឺស្រីម្នាក់អាចត្រូវបានឃើញយំ ខណៈនាងទាមទារឲ្យមានការសុំទោស ពីគិលានុបដ្ឋាយិកាប្រុសម្នាក់ ដែលនាងបានចោទប្រកាន់ថាបានស្ទាបច្របាច់ដើមទ្រូងរបស់នាង ខណៈនាងកំពុងស្ថិតក្នុងស្ថានភាពស្ទើរតែពុំដឹងខ្លួន ហើយពុំអាចតតាំងបាន បន្ទាប់ពីត្រូវបានផ្តល់ឲ្យនូវថ្នាំសន្លប់ពុំដឹងច្បាស់មួយនោះ ។
ជាមួយវត្តមានក្រុមគ្រួសារ និងគិលានុបដ្ឋាយិកាដទៃទៀត ឈរនៅជុំវិញគ្រែ ស្ត្រីអ្នកជំងឺដែលស្តែងចេញនូវអារម្មណ៍ឈឺចាប់ ជាមួយសម្លេងឡើងញ័រ បាននិយាយទៅកាន់គិលានុបដ្ឋាយិកាប្រុសម្នាក់ថា «អ្នកត្រូវទទួលស្គាល់រឿងនេះ! ព្រោះអ្នកបានស្ទាបច្របាច់សុដន់របស់ខ្ញុំ យល់ព្រមទេ? អ្នកបានចូលទៅទីនោះពីរ ទៅបីដង ហើយបានចាប់ឈ្លិនចុងសុដន់របស់ខ្ញុំ តើអ្នកពិតជាបានធ្វើបែបនេះមែនដែរអត់ អ្ហាស!?» ។
គិលានុបដ្ឋាយិកាប្រុសម្នាក់នោះដែលបានឱនមុខចុះ បាននិយាយខ្សាវៗថា៖ «ខ្ញុំបានធ្វើកំហុសមួយ» មុនពេលដើរទៅចាប់ដៃនាង ហើយមនុស្សនៅក្នុងបន្ទប់ ធ្វើជាបង្ហាញពីការសុំទោស ។
ទោះយ៉ាងណា AKBP Sudamiran ប្រធានផ្នែកស៊ើបអង្កេតឧក្រិដ្ឋកម្ម នៅឯប៉ូលីសក្រុង Surabaya បាននិយាយថា ពួកគេកំពុងស៊ើបអង្កេតវីដេអូផ្ទុះរាលដាលនោះ ដែលបានកើតឡើងនៅក្នុងមន្ទីរពេទ្យនោះ ។
គួរបញ្ជាក់ថា ការយាយីផ្លូវភេទ ត្រូវបានគេដឹងថាជាកំពុងក្លាយបញ្ហាដ៏ធំមួយ នៅក្នុងប្រទេសឥណ្ឌូនេស៊ី ។ មួយក្នុងករណីដែលត្រូវបានគេរាយការណ៍យ៉ាងទូលំទូលាយ នាពេលថ្មីៗនេះ គឺពាក់ព័ន្ធនឹងស្ត្រីម្នាក់ ត្រូវបានស្ទាបច្របាច់ដោយអ្នកជិះម៉ូតូម្នាក់ នៅកន្លែងផ្លូវតូចស្ងាត់ នៅក្នុងទីក្រុង Depok ៕ ចន្ទី