បងប្អូនខ្មែរយ៉ាងច្រើន ជាពិសេសអ្នកប្រើប្រាស់បណ្តាញសង្គម ប្រាកដណាស់បានស្គាល់ច្បាស់ហើយ ចំពោះស្ត្រីជនជាតិកូរ៉េដ៏មានប្រជាប្រិយភាពម្នាក់ ដែលតែងចេញវីដេអូនៅតាមបណ្តាញសង្គម Youtube ជាមួយសកម្មភាពលើកឡើងអំពីការស់នៅក្នុងប្រទេសកម្ពុជា និងប្រទេសកូរ៉េ ចែករំលែកពីរវិធីថែរក្សារស្បែកមុខ និងក៏ដូចវិធីធ្វើម្ហូបជាដើម។
នារីកូរ៉េដែលពោរពេញដោយស្នាមញញឹមជានិច្ច និងរូសរាយរាក់ទាក់រូបនេះ ក៏បានបញ្ជាក់ឲ្យបងប្អូនប្រជាជនខ្មែរបានដឹងថា កម្ពុជាគឺជាប្រទេសទី២ ដែលបានផ្តល់ជីវិតសម្រាប់នាងដូចកើតជាថ្មី ព្រោះថា មិនដឹងហេតុអ្វីទេ ដែលទឹកដីនៃប្រទេសកម្ពុជា បានធ្វើឲ្យជំងឺរបស់នាងដែលកំពូលពេទ្យខ្លាំងៗនៅកូរ៉េអស់សមត្ថភាពព្យាបាល ជាសះស្បើយរហូតមកទល់ពេលនេះ។ នាងត្រូវបានដឹង បានមករស់នៅក្នុងប្រទេសកម្ពុជាតាំងពីឆ្នាំ២០១៣ មកម្លេះ មកហើយសព្វថ្ងៃនេះ នាងរៀបចំខ្លួនទៅណាមកណា ដូចទៅនឹងប្រជាជនខ្មែរទូទៅផងដែរ។
យ៉ាងណាមិញ កាលពីថ្ងៃទី៦ ខែមិថុនា ឆ្នាំ២០២០ នារីកូរ៉េបែរជាជួបរឿងស៊យធំមួយ ដោយម៉ូតូ Scoopy 2019 ១គ្រឿង ត្រូវបានចោរលួចយកទៅបាត់ នៅក្បែរមន្ទីរពេទ្យកាល់ម៉ែត ដែលរហូតមកទល់ពេលនេះ នៅមិនទាន់ឃើញនៅឡើយនោះទេ។
ក្នុងនោះ នារីកូរ៉េបានសរសេររៀបរាប់ប្រាប់ឲ្យដឹងថា៖ «សួស្តីបងប្អូនទាំងអស់គ្នា ខ្ញុំជានារីកូរ៉េ ថ្ងៃនេះនាងខ្ញុំ មានទុក្ខធំមួយដោយបានបាត់ម៉តូ Scoopy 2019 ផ្លាកលេខ កំពង់ធំ 1M-7593 នៅម៉ោង ប្រហែល៧ព្រឹក បាត់ចេញពីម្តុំពេទ្យកាល់ម៉ែត ចឹងបើសិនជាបានឃើញថានៅម្តុំណា។ សុំជួយទាក់ទងមកផេករបស់នាងខ្ញុំផងណា លេខទូរស័ព្ទទំនាក់ទំនង 015 422 586/ 010 940 121 សុំជួយឡាច និងស៊ែរចែករំលែកផង» ៕
ដោយ៖ លឹមហុង
