ភ្នំពេញ ៖ បន្ទាប់ពីទទួលបានព័ត៌មានតាមការចែកចាយបន្ដគ្នាតាមបណ្ដាញសង្គមកាលពីម្សិលមិញ នៅព្រឹកថ្ងៃទី២៦ ខែមករា ឆ្នាំ២០១៨ នេះក្រុមការងារស្ថានទូត តំណាងរបស់លោក ឡុង ឌីម៉ង់ ឯកអគ្គរាជទូតកម្ពុជាប្រចាំប្រទេសកូរ៉េខាងត្បូង បានចុះសាកសួរព័ត៌មាន និងសុខទុក្ខប្អូនពលការិនីផ្នែកកសិកម្មរងគ្រោះនៅតំបន់មីលយ៉ាង ដោយសារថៅកែគៀបសង្កត់ឈ្មោះ ថៃ សម្ជស្ស, ងួន សារ៉ាត និង ឡេត សុខឡា ដែលមានបញ្ហាការងារធ្ងន់ធ្ងរជាមួយថៅកែ។
បច្ចុប្បន្ននេះ ប្អូនស្រីទាំងបីបានមកដល់ទីក្រុងស៊ូវ៉ុនដោយសុវត្ថិភាពហើយ ទន្ទឹមនេះក្រុមការងារស្ថានទូតបានសហការជាមួយក្រុមអ្នកច្បាប់កូរ៉េ បានទាមទារអោយថៅកែស៊ីញ៉េអនុញ្ញាតចេញដើម្បីប្ដូរកន្លែងការងារ ហើយពិនិត្យលទ្ធភាពផ្លូវច្បាប់ដើម្បីរៀបចំដោះស្រាយតាមនីតិវិធីច្បាប់។ ប្អូនពលការិនីទាំងបីនាក់ ត្រូវបានក្រុមការងារនាំមកស្នាក់នៅផ្ទះបណ្ដោះអាសន្នរបស់ក្រសួងការងារ និងស្ថានទូត ដើម្បីស្នាក់នៅក្នុងអំឡុងពេលប្ដូរការងារ ហើយថ្ងៃអាទិត្យ ឬថ្ងៃចន្ទសប្ដាហ៍នេះ ប្អូនស្រីទាំបីនាក់នឹងទៅដាក់ពាក្យរកការងារថ្មីនៅតាមមជ្ឈមណ្ឌលគាំពារពលករបរទេស៕ ដោយ៖បញ្ញាស័ក្តិ
