ប្រទេសញូវហ្សឺឡែនលែងមានករណីវីរុស COVID-19 ទៀតហើយ បន្ទាប់ពីអ្នកជំងឺចុងក្រោយបង្អស់របស់ប្រទេសនេះបានជាះស្បើយ។ វាគឺជាព្រឹត្តិការណ៍ដ៏សំខាន់ និងសមិទ្ធិផលសម្រាប់ប្រទេសនេះ។ នេះបើតាមការបញ្ជាក់របស់អាជ្ញាធរសុខាភិបាលរបស់ប្រទេសនេះ។
“ការគ្មានអ្នកជំងឺលើកដំបូងចាប់តាំងពីថ្ងៃទី ២៨ ខែកុម្ភៈមកគឺជាចំនុចសម្គាល់ដ៏សំខាន់ក្នុងការធ្វើដំណើររបស់ពួកយើង ប៉ុន្តែដូចដែលយើងបាននិយាយរួមកហើយថា ការប្រុងប្រយ័ត្នប្រឆាំងនឹង COVID-19 នឹងនៅតែបន្តមានជាចាំបាច់”។
ប្រទេសនេះទទួលបានការកោតសរសើរយ៉ាងខ្លាំងចំពោះវិធានការដ៏មានប្រសិទ្ធិភាពក្នុងការទប់ស្កាត់ការរីករាលដាល។ ញូវហ្សឺឡែនបានបិទប្រទេសអស់រយៈពេល ៧សប្តាហ៍ ហើយការបិទនោះទើបបានបញ្ចប់កាលពីខែមុន ក្រោយពេលមានការទប់ស្កាត់វីរុសបាន។
ប្រទេសដែលស្ថិតនៅតំបន់ប៉ាស៊ីភិចខាងត្បូង និងមានប្រជាជនសរុប ៥លាននាក់នេះ មានករណីឆ្លងវីរុសសរុបទាំងអស់ចំនួន ១.១៥៤នាក់ និងអ្នកស្លាប់ ២២នាក់។ មានមានការរកឃើញករណីឆ្លងថ្មីអស់រយៈពេល ១៧ថ្ងៃនៅក្នុងប្រទេសនេះ៕
អត្ថបទប្រែសម្រួលដោយ៖ សុភ័ក្រ
ប្រភព៖ AFP
