ការចាក់អក្សរពណ៌លឿងខ្ចីធំៗគ្រប់ដណ្តប់ពេញមួយដងផ្លូវ ជាមួយពាក្យសរសេរថា “DEFUND THE POLICE” ដែលមានន័យថា «ការពារប៉ូលិស» សម្រាប់ក្រុមបាតុករស្រែកប្រមូលផ្តុំគ្នា ដើម្បីចលនាប្រយុទ្ធប្រឆាំង ទៅនឹងភាពសាហាវឃោរឃៅរបស់ប៉ូលិស និងការរើសអើងជាតិសាសន៍ បានផ្ទុះឡើងនៅទូទាំងប្រទេស ហើយកំពុងបង្កឱ្យមានការភ័យព្រួយក្នុងចំណោមអ្នកប្រជាធិបតេយ្យ។
សូមបញ្ជាក់ថា ក្រុមអ្នកតវ៉ានៅទូទាំងប្រទេស បានទាមទាររកយុត្តិធម៌ ចំពោះមរណភាពរបស់ George Floyd ដោយលើកបដាគ្រវីដៃជាមួយពាក្យ “Defund the police!” នៅឯកន្លែងប្រមូលផ្តុំគ្នានៅតាមទីក្រុងធំៗ ចុងសប្តាហ៍មុននេះ នៅពេលដែលលោក Joe Biden បានក្លាយជាបេក្ខជនប្រធានាធិបតីនៃគណបក្សប្រជាធិបតេយ្យ ដើម្បីប្រឈមមុខនឹងប្រធានាធិបតី ដូណាល់ ត្រាំ នៅរដូវស្លឹកឈើជ្រុះខាងមុខ។
ខណៈពេលដែលលោក Trump ប្រកាន់ខ្ជាប់នូវពាក្យស្លោកនេះ ដោយគូររូបគូប្រជែងរបស់ខ្លួនថា ជាក្រុមរ៉ាឌីកាល់ ឬ អ្នកមូលវិវដ្ដនិយម ដែលប្រមើលមើលពិភពនៃភាពគ្មានច្បាប់ និងភាពអនាធិបតេយ្យនោះ, លោក Biden និងអ្នកប្រជាធិបតេយ្យដទៃទៀត ក៏កំពុងប្រឆាំងនឹងការអំពាវនាវរបស់ក្រុមខាងឆ្វេង និងក្រុមបណ្តែត នូវវិធានការណ៍សមរម្យបន្ថែមទៀត ដើម្បីកាត់បន្ថយឥរិយាបទអាក្រក់របស់ប៉ូលិស។
លោក Briden បានប្រាប់ CBS Evening News កាលពីថ្ងៃចន្ទម្សិលមិញថា៖ «ទេៗ ខ្ញុំមិនគាំទ្រទៅនឹងទង្វើការពារប៉ូលិសជាដាច់ខាត។ ខ្ញុំគាំទ្រជំនួយសហព័ន្ធទៅតាមស្ថានការណ៍ ចំពោះប៉ូលិស ដោយផ្អែកលើថាតើពួកគេបំពាញបាននូវស្តង់ដារនៃភាពថ្លៃថ្នូរ និងកិត្តិយស ហើយជាការពិត អាចបង្ហាញថាពួកគេអាចការពារសហគមន៍បានដែរ ឬទេ»៕
ប្រែសម្រួល៖ លឹម ហុង (ប្រភព៖ msn)
