ភ្នំពេញ៖ ស្ថានទូតចិនប្រចាំកម្ពុជា បានឲ្យដឹងថា នាថ្ងៃទី៩ ខែមិថុនា ឆ្នាំ២០២០ កិច្ចចរចាព្រមព្រៀងពាណិជ្ជកម្មសេរី រវាងចិន និងកម្ពុជា ដំណាក់កាលទី៣ ត្រូវបានរៀបចំឡើងតាមរយៈវីឌីអូចម្ងាយ។ ភាគីទាំងពីរ បានពិភាក្សាយ៉ាងគ្រប់ជ្រុងជ្រោយ ដោយបន្តលើមូលដ្ឋានគ្រឹះ នៃកិច្ចចរចាពីរលើកដំបូង ក៏សម្រេចបានកុងសុងស៊ីសយ៉ាងទូលំទូលាយ។
ការចុះហត្ថលេខាលើកិច្ចព្រមព្រៀងពាណិជ្ជកម្មសេរីរវាងចិន និងកម្ពុជា គឺជាការអនុវត្តវិធានការដ៏សំខាន់ នៃកុងសុងស៊ីសរបស់ថ្នាក់ដឹកនាំទាំងពីរប្រទេស និងជំរុញការកសាងសហគមន៍ជោគវាសនារួម រវាងចិននិងកម្ពុជា។ ភាគីទាំងពីរ បានពុះពារជាមួយគ្នានូវឥទ្ធិពលនៃជំងឺវីរុស បានជ្រើសរើសយកគ្រប់វិធីសាស្ត្រ ដើម្បីជំរុញកិច្ចចរចាមួយនេះ ឲ្យកាន់តែឆាប់រហ័ស ក្នុងនោះក៏រាប់បញ្ចូលទាំងកិច្ចប្រជុំតាមវីឌីអូផងដែរ បានរួមចំណែកយ៉ាងសកម្ម ក្នុងការជំរុញសង្វាក់ផលិតកម្ម ដែលផ្តល់ជូនក្នុងតំបន់ឲ្យមានស្ថេរភាព និងជំរុញដំណើរការសាជាថ្មីនៃសេដ្ឋកិច្ចក្នុងតំបន់ ឲ្យមានការវិវឌ្ឍទៅមុខថែមមួយកម្រិតទៀត សម្រាប់ទំនាក់ទំនងសេដ្ឋកិច្ចនិងពាណិជ្ជកម្ម នៃទ្វេភាគីកាន់តែស៊ីជម្រៅ បង្កើនកម្រិតវិនិយោគពាណិជ្ជកម្ម នៃទ្វេភាគីប្រកបដោយសេរី និងភាពងាយស្រួល៕
ដោយ៖កូឡាប
ខាងក្រោមជាសេចក្ដីប្រកាសព័ត៌មានរបស់ក្រសួងពាណិជ្ជកម្ម ស្ដីពីលទ្ធផលនៃការចរចាជុំទីបី លើកិច្ចព្រមព្រៀងពាណិជ្ជកម្មសេរីកម្ពុជា-ចិន៖
