បាត់ដំបង៖ ថ្ងៃទី៩ ខែ មិថុនា ឆ្នាំ២០២០ វេលាម៉ោង៩និង៤០នាទី នៅចំណុចអូរទ្រូងអណ្តេីក ភូមិព្រៃទទឹង ឃុំឆ្នាល់មាន់ ស្រុកគាស់ក្រឡ ខេត្តបាត់ដំបង មានករណីផ្ទុះម៉ីនចំនួន០១គ្រាប់ ប្រភេទម៉ីន៦៩ បណ្ដាលអោយមនុស្សចំនួន០២នាក់រងរបួស។
ជនរងគ្រោះ ៖
១-ឈ្មោះលឿង ពុធ ភេទប្រុស អាយុ៦៩ឆ្នាំ បាន ដាច់ជើងរងរបួសធ្ងន់និងស្លាប់នៅពេលបន្ទាប់។
២-ឈ្នោះធាង ធួន ភេទប្រុស អាយុ២០ឆ្នាំរងរបួស ។
លោកវរសេនីយ៍ឯក ប៉ាង ហៀង អធិការនគរបាលស្រុកគាស់ក្រឡ បានបញ្ជាក់ថាជនរងគ្រោះទាំងពីរនាក់ជាឪពុកនិងកូនបង្កេីតរស់នៅភូមិបុសខ្នុរ ឃុំចែងមានជ័យ ស្រុកបាណន់ ខេត្តបាត់ដំបង ពួកគាត់បានមករកទទួលទានដាក់អន្ទាក់សត្វនៅចំណុចកេីតហេតុខាងលេី ទេីបបណ្តាលឱ្យជួបឧប្បត្តិហេតុដូច្នេះ។
លោកអធិការបានបន្តថា នៅក្នុងមូលដ្ឋានខាងលេីជាតំបន់ដែលមានសេសសល់គ្រាប់មីននិងយុទ្ធភ័ណ្ឌមិនទាន់ផ្ទុះពីសម័យសង្គ្រាមនៅរាយប៉ាយនៅឡេីយ ដែលលោកសូមអំពាវនាវដល់ប្រជាពលរដ្ឋសូមកុំប្រថុយប្រថានចេញ ចូលទៅក្នុងតំបន់នោះឱ្យសោះព្រោះងាយនឹងរងគ្រោះថ្នាក់ណាស់។
ជនរងគ្រោះជាកូនត្រូវវបានសង្គ្រោះទៅព្យាបាលនៅមន្ទីរពេទ្យ រីឯបុរសជាឪពុកដែលបានស្លាប់ដោយឧប្បត្តិហេតុនេះបានប្រគល់ជូនក្រុមគ្រួសារដេីម្បីចាត់ចែងធ្វេីបុណ្យតាមប្រពៃណីនៅមូលដ្ឋានឯស្រុកបាណន់ ខេត្តបាត់ដំបង៕
ដោយ៖កូឡាប