ខេត្តព្រះសីហនុ៖ ឯកឧត្តម ឧត្តមសេនីយ៍ឯកតេង សួន អគ្គលេខាធិការងគណកម្មាធិការជាតិសន្តិសុខលម្ហសមុទ្រ និងជាប្រធាននាយកដ្ឋាននគរបាលការពារព្រំដែនទឹក និងឯកឧត្តម យន្ត មីន អភិបាលខេត្តព្រះសីហនុ នៅរសៀលថ្ងៃសុក្រ ទី២៦ ខែមករា ឆ្នាំ២០១៨ បានអញ្ជើញជាអធិបតី ក្នុងពិធីប្រកាសផ្ទេរភារកិច្ច តែងតាំងមុខតំណែង ប្រធានអង្គភាពនគរបាលបង្ក្រាបបទល្មើសលើផ្ទៃសមុទ្រ និងបំពាក់ឋានន្តរស័ក្តិ ដល់មន្ត្រីនគរបាលចំណុះអង្គភាពការពារព្រំដែនទឹក។
នាឱកាសនោះ លោកវរសេនីយ៍ទោ ឌឹម សំបូរ អតីតអនុប្រធានអង្គភាពនគរបាលបង្ក្រាបបទល្មើសលើផ្ទៃសមុទ្រ ត្រូវបានតម្លើងឋានន្តរស័ក្តិថ្នាក់វរសេនីយ៍ឯក និងតែងតាំងមុខតំណែងជាប្រធានអង្គភាពនគរបាលបង្ក្រាបបទល្មើសលើផ្ទៃសមុទ្រ។
ក្រៅពីនេះ ក៏មានការប្រកាសតែងតាំងមុខតំណែង និងបំពាក់ឋានន្តរស័ក្តិដល់មន្ត្រីនគរបាលចំណុះអង្គភាពនគរបាលការពារព្រំដែនទឹកជាច្រើនរូបទៀត៕ ដែន សីមា