កណ្ដាល ៖បុរសម្នាក់ស្លាប់បាត់បង់ជីវិត ដោយគ្រោះថ្នាក់ចរាចរណ៍ឡានបើកបុកម៉ូតូ ខណៈពេលជិះម៉ូតូធ្វើដំណើរទិសដៅបញ្ច្រាសគ្នា។
គ្រោះថ្នាក់ចរាចរណ៍នេះ កើតឡើងនៅលើកំណាត់ផ្លូវជាតិលេខ១ ក្នុងគីឡូម៉ែត្រលេខ៤២និង៤៣ នៅភូមិព្រែកត្រែង២ ឃុំសំរោងធំ ស្រុកកៀនស្វាយ ខេត្តកណ្ដាល កាលពីមោងជាង៨យប់នាថ្ងៃទី៩ ខែមិថុនា ឆ្នាំ២០២០នេះ។
ជនរងគ្រោះដល់ជីវិតឈ្មោះពៅ សុរ៉ាត់ភេទប្រុសអាយុ២៥ឆ្នាំ មុខរបរបើកបរឡានស្នាក់នៅភូមិ ឃុំកើតហេតុខាងលើនោះ។
ចំណែកតៃកុងឡានមិនស្គាល់ឈ្មោះ លោតចុះពីលើឡានរត់គេចខ្លួនបាត់ទាំងយប់ភ្លាមៗផងដែរ។
ក្រុមសត្ថកិច្ចប៉ូលិស បានឲ្យដឹងថា នៅយប់ថ្ងៃកើតហេតុខាងលើនោះ គេឃើញរថយន្តម៉ាកដេវ៉ូធុនធំប្រភេទ
សណ្តោង ពណ៌ក្រហម.ផ្លាកលេខ ព្រះសីហនុ3A-4931 ក្បាលកន្ទុយសណ្តោងលេខភ្នំពេញ4A-4928 បើបរដោយបុរសម្នាក់មិនស្គាល់អត្តសញ្ញាណ រត់គេចខ្លួន។ ដោយបើកមានទិសដៅ ភ្នំពេញទៅអ្នកលឿង ពេលមកដល់ចំណុចកើហេតុ បានបុកជាមួយអ្នកជិះម៉ូតូម៉ាកHONDA DRAM C125ពណ៌ខ្មៅផ្លាកលេខព្រៃវែង1E-4546 បើកបរដោយជនរងគ្រោះខាងលើ បណ្តាលឲ្យស្លាប់នៅនឹងកន្លែង) បើកបញ្ច្រាសទិសគ្នាអ្នកលឿង ភ្នំពេញ។ ជនរងគ្រោះត្រូវបានសាច់ញាតិយកទៅធ្វើបុណ្យតាមប្រពៃណី។ ចំណែករថយន្តត្រូវបានរក្សាទុកនៅកន្លែងកើតហេតុ ជំនាញចុះវាស់វែងយកទៅរក្សា
ទុកនៅអធិការដ្ឋានស្រុក ដើម្បីបន្តតានីតិវីធី។
តាមការសន្និដ្ឋានពីសំណាក់ក្រុមសមត្ថកិច្ចប៉ូលិសជំនាញ បានបញ្ជាក់ថា ករណីខាងលើគឺរថយន្តបើកលំលោភ
ទៅលើចំណែកផ្លូវនៃយានមកពីទិសដៅផ្ទុយ ៕
ដោយ៖កូឡាប