ព្រះអង្គម្ចាស់ Harry និង Meghan Markle បានសម្រេចចិត្តចុះចេញពីតួនាទីជាន់ៗខ្ពស់ នៅក្នុងរាជវាំង កាលពីដើមឆ្នាំ២០២០ នេះ ដោយសារតែពួកគេចង់មានឯករាជ្យ និងស្វែងរកការរស់នៅ ដោយសុខសន្តិភាពផ្ទាល់ខ្លួនពួកគេ។ ប៉ុន្មានខែមុនពេល Meghan និង Harry បានដកខ្លួនចេញ Harry បានសរសេរលិខិតមួយច្បាប់ទៅកាន់ Daily Mail ដែលចុះផ្សាយនៅថ្ងៃអាទិត្យ ដោយនិយាយថា ព្រះអង្គចង់ឲ្យមនុស្សតែសម្លុតរករឿង Meghan បញ្ឈប់ទៅ ព្រោះទ្រង់មិនចង់នាងបញ្ចប់ដូចទៅនឹងម្ចាស់ក្សត្រី Diana។ ប៉ុន្តែ ពេលនេះ គេបានដឹងថា ភាពស្រដៀងគ្នារវាង Meghan និង Diana ហួសពីការពិនិត្យពិច័យដោយសារព័ត៌មាន។
យោងតាមអតីតអ្នកបម្រើប្រុសរបស់សពម្ចាស់ក្សត្រី Diana លោក Paul Burrell ព្រះអង្គម្ចាស់ Harry អាចលង់ស្នេហ៍ជាមួយ Meghan តាំងតែពីដំបូងមកម្លេះ ព្រោះបុគ្គលិកលក្ខណៈរបស់នាង គឺស្រដៀងទៅនឹង Diana ដែរ ។ លោកបាននិយាយនៅក្នុងបទសម្ភាសន៍ជាមួយទស្សនាវដ្តី Closer ថា «ព្រះអង្គម្ចាស់ Harry បានទៅរៀបការជាមួយ Meghan ព្រោះនាងដូចជា Diana ដែរ ។ ស្ត្រីទាំងពីរតែងតែគាំទ្រអ្វីដែលពួកគេជឿ ហើយក៏ជាមនុស្សមិនចូលចិត្តជំនះ»។
ប៉ុន្តែ ជាមួយបុគ្គលិកលក្ខណៈស្រដៀងគ្នាទាំងនេះ វាអាចទៅរួច ទាល់តែ Meghan និង Diana នឹងមិនបានឃើញមុខគ្នាផ្ទាល់ នោះប្រសិនបើនាងនៅរស់។
លោកបន្តថា៖ «ខ្ញុំគិតថា ពួកគេអាចនឹងប៉ះទង្គិចគ្នា ព្រោះពួកនាងទាំងពីរខ្លាំង និងជាស្ត្រីឯករាជ្យដែលមានទស្សនៈផ្សេងគ្នា»។ លោកបន្ថែមទៀតថា៖ «ខ្ញុំគិតថា ភាពខុសគ្នារវាងពួកគេ គឺថា Meghan ចូលចិត្តការសប្បាយ រីឯ Diana នៅវ័យក្មេង ហើយជាមនុស្សសកម្ម និងមានគំនិតសុភវិនិច្ឆ័យ»។
គួរបញ្ជាក់ឲ្យដឹងថា ព្រះអង្គម្ចាស់ក្សត្រី Diana បានសោយទិវង្គត ដោយសារជួបគ្រោះថ្នាក់ចរាចរណ៍រថយន្តដ៏រន្ធត់ កាលពីឆ្នាំ១៩៩៧៕
ប្រែសម្រួល៖ លឹម ហុង (ប្រភព៖ msn)