ភ្នំពេញ៖ សូមរំលឹកថា ទង្វើរនៃសកម្មភាពរបស់បុរសថៅកែហាងយីហោ ធារ៉ា ដែលផ្ទុះភ្លើងកំហឹងនឹងប្រពន្ធខ្លួន បែរយកចានគប់ទៅលើកូនឈ្នួលត្រូវចំមុខពេញមួយទំហឹង រួចយកជើងទាត់ធាក់បន្ថែមទៀត បន្ទាប់ចូលទៅទៅជួយឃាត់ បានធ្វើឲ្យមហាជនស្អប់ខ្ពើមយ៉ាងខ្លាំង និងថែមទាំងជំរុញឲ្យសមត្ថកិច្ចចាប់ដាក់គុកទៀតផង។
ក្រោយពីបានឃើញវីដេអូបង្ហោះ និងសារព័ត៌មានជាច្រើនចុះផ្សាយព្រោងព្រាត នៅថ្ងៃទី១០ ខែមិថុនា ឆ្នាំ២០២០ ដែលម្ចាស់ហាងយីហោ ធារ៉ា ស្ថិតនៅផ្លូវលេខ១០៨កែងផ្លូវលេខ៥១ ភូមិទី៣សង្កាត់វត្តភ្នំខណ្ឌដូនពេញ បានប្រើអំពើហិ ង្សា ទៅលើបុគ្គលិករបស់ខ្លួនយ៉ាងសាហាវ ដូចធ្វើទៅលើសត្វធាតុនោះ ប៉ុស្តិ៍នគរបាលរដ្ឋបាលវត្តភ្នំបានកោះហៅម្ចាស់ហាងខាងលើមកសាកសួរនិង អនុវត្តន៍តាមនីតិវិធីច្បាប់ជូនជនរងគ្រោះ។
ទោះយ៉ាងណា នៅពេលនេះ យើងមិនទាន់ដឹងថា តើសមត្ថកិច្ចនឹងមានវិធានការផ្លូវច្បាប់ ទៅលើជនបង្កជាថៅកែហាងរូបនេះ យ៉ាងណានោះទេ៕ ដោយ៖ លឹម ហុង
