ភ្នំពេញ៖ នៅថ្ងៃទី ១០ ខែ មិថុនា ឆ្នាំ ២០២០ សមត្ថកិច្ចនគរបាលខណ្ឌ ដូនពេញ បានឃាត់ខ្លួនឈ្មោះ កាន់ វុទ្ធី ថៅកែហាង ធារ៉ា ដែលបានប្រេីហិង្សាទៅលេីអ្នករត់តុកាលពីយប់ថ្ងៃទី ៦ ខែ មិថុនា ឆ្នាំ ២០២០ ដេីម្បីកសាងសំណុំរឿងបញ្ជូនទៅតុលាការចាត់ការតាមច្បាប់ ។
ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ បានបំភ្លឺទាក់ទងទៅនឹងករណីបង្កហឹង្សាកាលពីយប់ថ្ងៃទី០៦ ខែមិថុនា ឆ្នាំ២០២០ វេលាម៉ោង ២៣:៣០នាទីយប់ ។
បុរសម្នាក់ឈ្មោះ កាន់ វុទ្ធី ភេទប្រុស អាយុ៣៨ឆ្នាំ មុខរបរម្ចាស់ហាងធារ៉ា ស្ថិតនៅផ្ទះលេខ៧៨ ផ្លូវលេខ១០៨ សង្កាត់វត្តភ្នំ ដែលបានបង្កហឹង្សាលេីបុគ្គលិករបស់ខ្លួនត្រូវបានសមត្ថកិច្ចនៃអធិការដ្ឋាននគរបាលខណ្ឌដូនពេញ រៀបចំសំណុំឯកសារបញ្ជូនទៅតុលាការ
បន្ទាប់ពីទទួលបានព័ត៌មាន និងបានឃេីញវីដេអូខ្លីបរយ:ពេល ៣នាទី អំពីករណីម្ចាស់ភោជនីយ៍ដ្ឋានមួយឈ្មោះ ធារ៉ា មានជម្លោះជាមួយភរិយា ឃេីញដូច្នេះបុគ្គលិកក៏បានជួយចូលឃាត់ ក្នុងពេលនោះបុរសជាប្តីដែលជាម្ចាស់ហាងបានប្រើអំពើហិង្សាយកចានគប់ និងទាត់ធាក់បុគ្គលិក បណ្តាលឲ្យរងរបួស ចំពោះហេតុការណ៍នេះកើតឡើងតាំងពីយប់ថ្ងៃទី០៦ ខែមិថុនា ឆ្នាំ២០២០ វេលាម៉ោង ២៣និង៣០នាទីយប់ នៅចំណុចផ្លូវលេខ ១០៨ កែង៥១ សង្កាត់វត្តភ្នំ ប៉ុន្តែជនរងគ្រោះជាបុគ្គលិកពុំបានមកដាក់ពាក្យបន្តឹងនៅប៉ុស្តិ៍រដ្ឋបាលនោះទេ លុះមកដល់ថ្ងៃទី១០ ខែមិថុនា ឆ្នាំ២០២០ វេលាម៉ោង ១៣:៣០នាទី ក្រុមការងារព័ត៌មាន និងប្រតិកម្មរហ័សបានទទួលព័ត៌មានអំពីករណីបង្កហិង្សានេះ ភ្លាមនោះក៏បានទាក់ទងទៅលោកនាយប៉ុស្តិ៍ចាត់វិធានការភ្លាមៗដោយលោកនាយប៉ុស្តិ៍បានធ្វេីការកោះហៅជនបង្កឲ្យចូលខ្លួនដេីម្បីធ្វេីការសាកសួរទាក់ទងនឹងករណីបង្កអំពេីហិង្សានេះ ។
ពេលនេះសមត្ថកិច្ចនៃអធិការដ្ឋាននគរបាលខណ្ឌដូនពេញ បាននឹងកំពុងធ្វេីការសួរចម្លេីយម្ចាស់ហាងដែលជាជនបង្កហិង្សា និងបានក៏សាងសំណុំរឿងបញ្ជូនទៅសាលាដំបូងរាជធានីភ្នំពេញ ដេីម្បីអនុវត្តបន្តតាមនីតិវិធីច្បាប់ ៕
អធិការដ្ឋាននគរបាលខណ្ឌដូនពេញសូមជំរាបជូនសាធារណៈមតិទាំងអស់ជូនជ្រាប៖ ព្រឹត្តិការណ៍ព័ត៌មានបង្ហោះក្នុងសង្គមហ្វេសបុក ករណីម្ចាស់ភោជនីយ៍ដ្ឋានឈ្មោះ ធារ៉ា មានជំលោះជាមួយភរិយា នឹងត្រូវបានបុគ្គលិកជួយចូលឃាត់ ហើយត្រូវម្ចាស់ហាងប្រើអំពើហឹង្សាយកចានគប់និងទាត់ធាក់បុគ្គលិក ចំពោះហេតុការណ៍នេះកើតឡើងតាំងពីយប់ថ្ងៃទី 06 ខែមិថុនា ឆ្នាំ 2020 វេលាម៉ោង 23និង30នាទី នៅចំណុចផ្លូវ 108 កែង 51 សង្កាត់វត្តភ្នំ ប៉ុន្តែជនរងគ្រោះជាបុគ្គលិកពុំបានមកដាក់ពាក្យបន្តឹងនៅប៉ុស្តិ៍រដ្ឋបាលនោះទេ លុះមកដល់ថ្ងៃទី10 ខែមិថុនា ឆ្នាំ 2020 វេលាម៉ោង 13និង30នាទី សមត្ថកិច្ចយើងបានឃើញព័ត៌មានបង្ហោះក្នុងហ្វេសបុកជាសាធារណ: ។
ចំពោះករណីខាងលើនេះផ្នែកជំនាញព្រហ្មទណ្ឌខណ្ឌ និងប៉ុស្តិ៍រដ្ឋបាល បានចុះទៅដល់ទីតាំងធ្វើការកោះហៅម្ចាស់ហាងមកសាកសួរ នឹងបន្តចំណាត់ការកសាងសំណុំរឿងបញ្ជូនទៅសាលាដំបូងរាជធានីអនុវត្តន៍តាមផ្លូវច្បាប់ ដើម្បីរកយុត្តិធម៌ជូនជនរងគ្រោះ ៕
ដោយ៖កូឡាប