តាកែវ៖ មន្ត្រីជំនាញមន្ទីរសាធារណការនិងដឹកជញ្ជូនខេត្ត និងមន្ត្រីនគរបាលចរាចរណ៍ នៃស្នងការដ្ឋាននគរបាលខេត្តតាកែវ នៅតែបន្តសកម្មភាពចុះអប់រំផ្សព្វផ្សាយច្បាប់ចរាចរណ៍ផ្លូវគោក ជូនដល់បងប្អូនប្រជាពលរដ្ឋ លើការយល់ដឹងជាច្រើននៅក្នុងច្បាប់ ខណៈដែលពលរដ្ឋចាប់ផ្តើមឡើង លើយានជំនិះប្រើប្រាស់លើទ្រូងផ្លូវ ត្រូវគោរពច្បាប់ចរាចរណ៍ទាំងអស់គ្នា ក្នុងការចូលរួមចំណែកមួយដ៏សំខាន់ជាមួយនិងរាជរដ្ឋាភិបាល កាត់បន្ថយនៅអត្រាស្លាប់ឬរបួស និងភាពក្រីក្រ ដែលកើតឡើងចេញដោយសារតែគ្រោះថ្នាក់ចរាចរណ៍ ។
នៅថ្ងៃទី១០ ខែមិថុនា ឆ្នាំ២០២០ ម្សិលមិញនេះ មន្ត្រីជំនាញមន្ទីរសាធារណការខេត្ត និងនគរបាលស្រុកត្រាំកក់ បានធ្វើសកម្មភាពអប់រំបន្ថែម លើច្បាប់ចរាចរណ៍ផ្លូវគោក និងមានការឆ្លើយនិងសំនួរពាក់ព័ន្ធជាមួយនិងការប្រើប្រាស់លើទ្រូងផ្លូវយករង្វាន់ជាមួកសុវត្ថិភាពផងដែរ ។
ឆ្លៀតនៅក្នុងឱកាសនោះដែរ មន្ត្រីនគរបាលនៃស្នងការខេត្ត បានធ្វើការអំពាវនាវបន្ថែមទៀត ដោយស្នើសុំឲ្យបងប្អូនប្រជាពលរដ្ឋទាំងអស់ មេត្តាចូលរួមគោរពច្បាប់ទាំងអស់គ្នា ក្នុងការអនុវត្តច្បាប់ថ្មីនេះ គឺអនុវត្តទៅលើតែអ្នកប្រើប្រាស់លើទ្រូងផ្លូវ ដែលល្មើសច្បាប់តែប៉ុណ្ណោះ ហើយចំពោះប្រជាពលរដ្ឋដែលមានឯកសារគ្រប់គ្រាន់ ឬមានមួកសុវត្ថិភាព មានកញ្ចក់មើលក្រោយ និងផ្លាកលេខនោះ សមត្ថកិច្ចនគរបាលចរាចរណ៍ មិនធ្វើការហៅឈប់ឬសួរនាំដើម្បីផាកពិន័យឡើយ ដូច្នេះសូមបងប្អូនប្រជាពលរដ្ឋទាំងអស់ រួមគ្នាទប់កាត់បន្ថយ នៅអាត្រាគ្រោះថ្នាក់ចរាចរណ៍នេះទាំងអស់គ្នា៕
ដោយ៖តាកែវ
