ភ្នំពេញ៖ ក្នុងរយៈពេលប៉ុន្មានថ្ងៃកន្លងមកនេះ គេសង្កេតឃើញថា តារា Tik Tok សុខា បានក្លាយជាប្រធានបទចាប់អារម្មណ៍តាមដានខ្លាំងមួយ ពីសំណាក់បងប្អូននៅលើបណ្តេញសង្គម បន្ទាប់ពីរូបនាងត្រូវបានគេជោយជ្រោមជ្រែង រហូតគ្លីនិកកែសម្ផស្ស «ម្លិះ» ទទួលយកទៅកែសម្ផស្ស និងសូម្បីឧបត្ថម្ភម៉ូតូ Scoopy ១គ្រឿងផងដែរ។
តែទោះយ៉ាងណា បុគ្គល សុខា ដែលគេនិយាយថាជាមនុស្សឆ្កួតឡប់មិនខុសនោះ បានធ្វើឲ្យម្ចាស់គ្លីនិកខាងលើខកចិត្តយ៉ាងខ្លាំង បន្ទាប់ពីបុគ្គលរូបនេះ បានទម្លាយចេញរឿងផ្ទៃក្នុងរបស់គ្លីនិក ខណៈពេលកំពុង Live វីដេអូផឹកស៊ីមួយ ក្រោយពេលកែសម្ផស្សរួច។ ប៉ុន្តែ អ្វីៗទាំងអស់ដែលសុខាបានធ្វើឡើងនេះ ត្រូវបានម្ចាស់គ្លីនិកអត់ឱនទោសឲ្យ ខណៈរូបគេក៏បានចេញវីដេអូសុំទោសដោយនិយាយចោទប្រកាន់ថា មិត្តភក្តិខ្លួនមានបំណងចង់ធ្វើបាប ព្រោះខណៈពេលនិយាយចេញរឿងមិនគប្បីនោះ គឺខ្លួនពុំបានដឹងថាមិត្តភក្តិនោះ Live វីដេអូទេ។
ប៉ុន្តែ ខណៈលោក អ៊ឹម ជីវ៉ា ដែលជាអ្នកជួយជ្រោមជ្រែងខ្លាំងបំផុត បង្ហោះសារដៀលដល់បុគ្គល សុខា មិនបានប៉ុន្មានម៉ោងផង ស្រាប់តែតារាហ្វេសប៊ុកឈ្មោះ តារា ធុងស្ពេត្រូ បានបង្ហោះវីដេអូ និយាយពីអត្តចរិក សុខា យ៉ាងចាស់ៗដៃតែម្តង។ ក្នុងនោះ ធុងស្ពេត្រូ បានទម្លាយចេញទាំងហួសៗចិត្តថា៖ «បុគ្គល សុខា ជាប្រភេទមនុស្ស មិនមានកំណើត ដែលគេខំមានទឹកចិត្តជួយហើយ បែរជាមិនចេះក្ដោបឱកាសល្អៗសម្រាប់ខ្លួនឯង ហើយ សុខា ក៏ជាមនុស្សម្នាក់ដែលនិយាយស្ដី មិនដឹងក្បាល មិនដឹងកន្ទុយនោះទេ ពោលបើទោះបីប្រើឡានស្ទួច ក៏ស្ទួចមិនឡើងដែរ»។
លោកក៏ទទួលស្គាល់ថា នៅពេលឃើញគេដៀលមើលងាយ សុខា ថាជាមនុស្សឆ្កួត ឡប់ មិនគួរណាយកទៅសម្តែងឲ្យខូចតម្លៃសិល្បះ លោកនិងលោក អ៊ឹម ជីវ៉ា ក៏បានជួយយកចិត្តទុកដាក់ជ្រោមជ្រែង និងផ្តល់កម្លាំងចិត្តដល់សុខា ប៉ុន្តែ ពិតជាមិននឹកស្មាន ពេលស្គាល់សុខាកាន់យួរ ព្រោះតែគាត់ក៏មានវិបត្តិផ្លូវចិត្ត និងសតិអារម្មណ៍ មានអត្តចរិតមិនសមរម្យ មិនថាពេលនិយាយស្ដីម្ដងៗ។ លោកក៏បានអះអាងថា ទោះបីបងប្អូនវ៉ៃសុខាទាល់តែងាប់ទៀត ឬ យកច្រវាក់អូសកទៀត ក៏សុខាមិនកែខ្លួនឡើយ ព្រោះតែចរិកពីធម្មជាតិរបស់គាត់ប៉ុណ្ណឹងទៅហើយ។
ចំណែកលោក អ៊ឹម ជីវ៉ា បានសរសេរសារលើហ្វេសប៊ុក កាលពីថ្ងៃទី១០ខែមិថុនាឆ្នាំ២០២០ថា “សត្វក្រពើ សត្វតិរច្ឆាន សត្វអសិរ្ពិស ទោះបីខំលើកតម្កើង ដុសលៀងវាឲ្យផុតពីជាតិជាសត្វឬចង់ចិញ្ចឹមវាឲ្យចូលក្នុងសង្គម ដ៏ស៊ីវិល័យក៏វានៅតែមិនអាចកែចេញពីសារធាតុជាសត្វបានដដែល ! ព្រោះចរិតសត្វក្រពើមិនអាចមកដេកលើពូកជាមួយមនុស្សបានទេ ! មិនខុសពីមនុស្សទេ មនុស្សដែលខ្ញុំជួយបាន ខ្ញុំជួយនិងឲ្យអស់ពីលទ្ធភាព តែបើគេមិនចេះកែ មិនចេះជួយខ្លួនឯង ខ្ញុំក៏មិនអាចមិនជួយបន្តទៀតបានទេ..! ខ្ញុំមិនស្តាយលុយទេ តែខ្ញុំស្តាយពេលវេលា ស្តាយទឹកចិត្ត ដែលខំលះបង់ធ្វើគ្រប់បែបយ៉ាង ដើម្បីខំកែឲ្យឡើងដែរ តែកែមិនឡើង តែមិនអីទេ ចាប់ថាបាបកម្មដែលពីជាតិមុនខ្ញុំជំពាក់គេ ជាតិនេះខ្ញុំសងវិញហើយ.! អ្នកដឹងបានដឹងថាខំហត់និងចាប់និងឈឺចិត្តប៉ុណ្ណា ដែលខំជួយមនុស្សហើយបែជាបានទទួលកំហុសមកវិញ តែខ្ញុំមិនខឹងបងប្អូនដែលជេរខ្ញុំទេ ..! ហើយក៏ទុកថាជាបទពិសោធន៍នែមេរៀនជីវិតខ្ញុំចុះ។ លើក្បាលមានមេឃ ក្រោមជើងជាន់ដី អំពើល្អអាក្រក់មិនអាចច្របាច់បញ្ចូលគ្នាបានទេ អំពើល្អមិនសាបសូន្យ “៕
ដោយ៖ លឹម ហុង
<iframe src=”https://web.facebook.com/plugins/video.php?href=https://web.facebook.com/832919283748533/videos/575388480022210/&show_text=0&width=267″ width=”267″ height=”476″ style=”border:none;overflow:hidden” scrolling=”no” frameborder=”0″ allowTransparency=”true” allowFullScreen=”true”></iframe>