ប្រទេសចិនបានរកឃើញការឆ្លងវីរុសកូរ៉ូណាថ្មីចំនួន ១១ករណី និងករណីសង្ស័យចំនួន ៤នៅចុងថ្ងៃពុធម្សិលមិញ។ នេះបើតាមការបញ្ជាក់របស់គណៈកម្មការសុខាភិបាលជាតិចិន នៅថ្ងៃព្រហស្បតិ៍នេះ។
ការឆ្លងថ្មីទាំងអស់ទាក់ទងទៅនឹងអ្នកដំណើរដែលធ្វើដំណើរពីក្រៅប្រទេស។
បច្ចុប្បន្ន ចំនួនអ្នកឆ្លងសរុបនៅចិនមាន ៨៣.០៥៧នាក់ និងស្លាប់ចំនួន ៤.៦៣៤នាក់។
សូមបញ្ជាក់ថា វីរុសកូរ៉ូណាបានផ្ទុះឡើងដំបូងចេញពីទីក្រុងវូហាន ប្រទេសចិនកាលពីចុងឆ្នាំ ២០១៩។ វីរុសនេះបានរាតត្បាតយ៉ាងលឿនជុំវិញពិភពលោក។
បច្ចុប្បន្ន វីរុសដ៏កាចសាហាវនេះ បានឆ្លងទៅកាន់មនុស្សជាង ៧លាននាក់ និងសម្លាប់ជីវិតមនុស្សជាង ៤០៤.០០០នាក់៕
អត្ថបទប្រែសម្រួលដោយ៖ សុភ័ក្រ
ប្រភព៖ Reuters