ភ្នំពេញ៖ ក្រោយពីបានឃើញលោក អ៊ឹម ជីវ៉ា អ្នកជួយជ្រោមជ្រែង និងជាអ្នកមានគុណម្នាក់ផងនោះ ទីបំផុត បានបង្ហោះសារដោយប្រើពាក្យយ៉ាងធ្ងន់ថា តារា Tik Tok មនុស្សស្រីចរិតប្រុស សុខា ជាមនុស្សក្រពើវង្វេងបឹង និងជាមីស្រីអាសិរ្ពិសជាដើមនោះ ថ្មីៗនេះ សុខា បានចេញវីដេអូឆ្លើយតប និងទម្លាយហែករឿងលោក អ៊ឹម ជីវ៉ា គ្មានសល់ ដើម្បីឲ្យហ្វេនៗ និងមហាជនបានដឹងច្បាស់។
សង្កេបយ៉ាងខ្លី ពីវីដេអូមានរយៈពេលជិត១ម៉ោង សុខា បានទម្លាយចេញចំណុចសំខាន់ៗដដែលថា អ្វីដែលលោក អ៊ឹម ជីវ៉ា និយាយបន្ថែមថា ខ្លួនជាមនុស្សឡប់ៗមែនទែនធ្វើឲ្យខ្មាសគេ២៥ខេត្តក្រុង និងថាធ្វើឲ្យឈឺរហូតចូលពេទ្យកាល់ម៉ែត គឺជារឿងបំផ្លើសការពិតទាំងអស់។ ហើយម្យ៉ាងវិញទៀត សុខា ថា លោក អ៊ឹម ជីវ៉ា ជាមនុស្សឆ្លាត ព្រោះពេលដឹងថា សុខា អស់អ្វីសំខាន់ លែងផ្តល់ផលប្រយោជន៍ឲ្យគាត់ទៀតហើយនោះៗ គាត់នឹងទាត់ សុខា ចោលដូចស្ពៃហើយ ។ លើសពីនេះ សុខា ក៏បានហែករាលដាលដល់លោក ម៉ាដូណា ផងដែរថា ក៏ជាមនុស្សមិនល្អដែរ។
បន្ថែមពីនេះទៀត សុខា ក៏បានបញ្ជាក់ទៅកាន់ហ្វេនៗថា ដោយសារតែលោក អ៊ឺម ជីវ៉ា និយាយបំផ្លើសការពិតទាំងនេះហើយ ទើបធ្វើឲ្យលោក ផែង វណ្ណៈ ដៀលរូបនាងថាជាមនុស្សកាកសំរាម៕ ដោយ៖ លឹម ហុង
ចង់ដឹងថា សុខា និយាយហែករឿងលោក អ៊ឹម ជីវ៉ា ដល់កំរិតណា សូមទស្សនាវីដេអូខាងក្រោម៖
