ឆ្នាំជូត
រាសីស្រុតចុះ។
ការងារ ៖ នៅថ្ងៃនេះដំណើរការការងាររបស់លោកអ្នកស្ថិតនៅលើកំណាត់ផ្លូវរដិបរដុបច្រើនពិសេសងាយកើតបញ្ហាយាយីផង។
ជំនួញ ៖ ការធ្វើជំនួញទីជិតឆ្ងាយមិនសូវផ្តល់ផលល្អប៉ុន្មានទេព្រោះតែការរកផលចំណូលតានតឹងហើយការចំណាយវិញនោះមានគ្រប់សារពើដែលសឹងរកទប់ទល់ពុំចង់ឈ្នះ។
ស្នេហា ៖ មានដំណើរប្រទាំងប្រទើសដែលងាយកើតរឿងជម្លោះវិវាទចំពោះគ្នាតែក៏ងាយផ្អែមល្ហែមដែរ៕
ឆ្នាំឆ្លូវ
រាសីល្អជាមធ្យម។
ការងារ ៖ ដំណើរជីវិតរបស់លោកអ្នកថ្ងៃនេះមិនគាប់ប្រសើរប៉ុន្មានទេពិសេសស្ត្រីបើលោកអ្នកសម្រេចចិត្តអ្វីមួយខុសហើយតែងនាំបញ្ហាមកជាន់កថែមទៀត។ដូច្នេះមុនធ្វើអ្វីលោកអ្នកត្រូវគិតឱ្យបានគ្រប់ជ្រុងជ្រោយមិនអាចធ្វេសប្រហែសបានទេ។ ក្រៅពីនេះការបំពេញការងារលោកអ្នកត្រូវប្រឹងប្រែងហើយដាច់ខាតមិនត្រូវបោះបង់ការងារឡើយព្រោះវានឹងហុចផ្លែផ្កាល្អៗមកពេលក្រោយវិញជាក់ជាពុំខាន។
ជំនួញ ៖ ជួបផលលំបាកក្នុងការរកផលចំណូលណាស់ដែរហើយក្រៅពីនេះលោកអ្នកគួរប្រយ័ត្នប្រយែងការមានជម្លោះវិវាទថែមទៀត។
ស្នេហា ៖ គប្បីកុំជ្រួលជ្រើមមិនមើលអាត្មាខ្លួនប្រយ័ត្នផុងខ្លួនហើយត្រូវគ្រាំគ្រាអស់មួយជីវិត៕
ឆ្នាំខាល
រាសីខ្ពស់ត្រដែត។
ការងារ ៖ ថ្ងៃនេះដោយសារដួងរាសីរបស់លោកអ្នកល្អប្រសើរ ហេតុនេះធ្វើឱ្យដំណើរជីវិតមានការរីកលូតលាស់និងចម្រុងចម្រើនគួរសម។ក្រៅពីនេះទាំងស្ត្រីបុរសលោកអ្នកអាចមានដំណឹងល្អណាមួយសប្បាយចិត្តថែមទៀត។
ជំនួញ ៖ ជួបការលំបាកក្នុងការរកផលចំណូលបន្តិចព្រោះតែមានការប្រជែងគ្នាច្រើនហើយពិសេសប្រយ័ត្នមានជម្លោះវិវាទព្រោះតែការដណ្តើមអតិថិជនគ្នា។
ស្នេហា ៖ មានការរីកលូតលាស់និងផ្អែមល្ហែមប្រពៃ៕
ឆ្នាំថោះ
រាសីស្រុតចុះ។
ការងារ ៖ នៅថ្ងៃនេះឱ្យប្រយ័ត្នការដំណើរការងារឬសម្រេចចិត្តអ្វីមួយពីព្រោះថាតែងផ្តល់ផលមិនល្អមកវិញផង។
ជំនួញ ៖ ចូរប្រយ័ត្នក្រុមមនុស្សសម្តីផ្អែមល្ហែមព្រោះងាយធ្លាក់ក្នុងឧបាយកលគេណាស់។ការរស់នៅចូរប្រយ័ត្នកើតជម្លោះវិវាទណាមួយឡើង។
ស្នេហា ៖ ប្រុសស្រីពុំត្រូវផ្តោះផ្តងដោយសម្តីផ្លែផ្កាដាក់គ្នាឡើយប្រយ័ត្នកើតការឈ្លោះវិវាទឈានដល់ការបែកបាក់ណាមួយកើតឡើង៕
ឆ្នាំរោង
រាសីល្អជាមធ្យម។
ការងារ ៖ ថ្ងៃនេះទាំងស្ត្រីបុរសដំណើរជីវិតរបស់លោកអ្នកទោះមានភាពរលូនទៅមុខក្តីតែក៏នៅមានឧបសគ្គបន្តិចបន្តួចចូលមកនាំឱ្យជួបការលំបាកក្នុងការតស៊ូ ហើយបើមានការអត់ធ្មត់នោះតែងទទួលជោគជ័យជានិច្ច។ ចំពោះការប្រកបការងារបើមានបញ្ហាកើតឡើងលោកអ្នកត្រូវចេះដោះស្រាយមិនត្រូវគេចបញ្ហាឡើយប្រយ័ត្នរឿងរាវខ្លះតូចតាចសោះប្រែជារីកធំដូចដំបៅមហារីក។
ជំនួញ ៖ ក្នុងថ្ងៃនេះបើចង់បោះទុនតូចធំត្រូវប្រយ័ត្នបន្តិចព្រោះផ្លែផ្កាដែលទទួលបានពុំសូវឆ្លើយតបដូចសេចក្តីប្រាថ្នាទេ។
ស្នេហា ៖ អ្នកមិនទាន់មានគូគាប់ ហើយចង់ធ្វើការជ្រើសរើសគូគ្រងគប្បីមានការប្រយ័ត្នប្រយែងបន្តិច ព្រោះឱកាសជួបគូកម្មមានខ្ពស់ណាស់ដែរ៕
ឆ្នាំម្សាញ់
រាសីខ្ពស់ត្រដែត។
ការងារ ៖ ក្នុងថ្ងៃនេះដោយសារដួងរាសីឡើងខ្ពស់ បើទោះបីធ្វើអ្វីមួយលោកអ្នកអាចសម្រុកបានពេញទីហើយ ពីព្រោះថាផលល្អៗតែងហុចមកវិញគ្រាន់ជាទីពេញចិត្តជានិច្ច។
ជំនួញ ៖ អ្នកធ្វើជំនួញទាំងតូចទាំងធំបើចង់ចរចាទិញឬដោះដូរទំនិញអ្វីមួយដោយមិនត្រឹមឆាប់ត្រូវរ៉ូវគ្នាទេតែអាចសម្រេចជោគជ័យយ៉ាងឆាប់រហ័សផង ហើយមុខទំនិញមានការលូតលាស់ទៅមុខដោយអាចរកផលចំណូលគ្រាន់ចិញ្ចឹមឆ្នាំងបាយផងដែរ។
ស្នេហា ៖ មានការរីកលូតលាស់ទៅមុខ បើអ្នកមិនទាន់មានគូគាប់ពេលនេះជាឱកាសល្អក្នុងការស្វែងរកហើយ៕
ឆ្នាំមមី
រាសីខ្ពស់ត្រដែត។
ការងារ ៖ ក្នុងថ្ងៃនេះដំណើរជីវិតរបស់លោកអ្នកល្អប្រសើរដូចនេះទោះធ្វើអ្វីក៏ដោយតែងមានការចម្រើនលូតលាស់ច្រើនរឿងមិនថាជាការងារ បញ្ហាប្រាក់កាសឬរឿងផ្ទាល់ខ្លួនទេគឺមានការល្អប្រសើរគួរសម។
ជំនួញ ៖ ក្នុងថ្ងៃនេះដែរការធ្វើជំនួញជួញដូរមានភាពគាប់ប្រសើរឡើងវិញហើយបើចង់ផ្លាស់ប្តូរមុខរបរអ្វីមួយក៏ជាពេលវេលាល្អផងដែរ។
ស្នេហា ៖ មានភាពលូតលាស់និងផ្អែមល្ហែមប្រពៃ៕
ឆ្នាំមមែ
រាសីស្រុតចុះ។
ការងារ ៖ នៅថ្ងៃនេះដោយសារដួងរាសីស្រុតចុះ ហេតុនេះលោកអ្នកគប្បីប្រយ័ត្នប្រយែងរឿងរាវកើតឡើងនាំខ្វាយខ្វល់ចិត្ត។ក្រៅពីនេះលោកអ្នកតោងតែប្រយ័ត្នប្រយែងបញ្ហាចរាចរផងដែរពីព្រោះងាយកើតឡើងថែមទៀត។
ជំនួញ ៖ អ្នកជួញទីជិតឆ្ងាយមិនថាផ្លូវគោកផ្លូវទឹកឬផ្លូវអាកាសក្តីលាភធំដុំកុំសូវសង្ឃឹមពេក ពីព្រោះច្រើនមិនឆ្លើយតបដូចសេចក្តីប្រាថ្នាទេគឺបើបានត្រឹមមួយល្មមទប់ទល់ហើយអ្នកខ្លះអាចត្រូវខកបំណងទៀតផង។
ស្នេហា ៖ កុំសូវជឿពាក្យសម្តីក្រុមមនុស្សពេក ព្រោះអ្នកខ្លះអុជអាលឱ្យតែលោកអ្នកធ្លាក់ទឹក ហើយគេចាំទះដៃហ៊ោនៅពេលក្រោយប៉ុណ្ណោះ៕
ឆ្នាំវក
រាសីល្អជាមធ្យម។
ការងារ ៖ ក្នុងគ្រាកន្លងមកលោកអ្នកទទួលរងដំណើរជីវិតជួបព្យុះភ្លៀងច្រើនដែលមានទាំងរឿងតូចនិងរឿងធំផង។ លោកអ្នកបានឆ្លងការលំបាកក្នុងរយះពេលកន្លងមកនេះចាត់ទុកថាល្អប្រសើរដោយយ៉ាងហោចណាស់បានឆ្លងកាត់បទពិសោធន៍និងអ្នកខ្លួះបានទទួលជោគជ័យច្រើនទៀតផង។
ជំនួញ ៖ មានដំណើរការល្អប្រសើរហើយបើចង់ទារបំណុលពីនរណាម្នាក់ក៏ជាពេលវេលាល្អប្រពៃផង។
ស្នេហា ៖ កំលោះក្រមុំមានការប្រឆាំងនិងរកាំចិត្តចំពោះគ្នាបន្តិចពីព្រោះម្នាក់ៗប្រកាន់ចិត្តខ្លាំងរៀងៗខ្លួន៕
ឆ្នាំរកា
រាសីខ្ពស់ត្រដែត។
ការងារ ៖ ក្នុងថ្ងៃនេះដំណើរជីវិតរបស់លោកអ្នកមានជោគមានជ័យល្អហើយទោះធ្វើអ្វីក៏តែងមានការជឿនលឿនទៅមុននិងអាចមានប្រៀបជាងអ្នកដទៃផងដែរ។
ជំនួញ ៖ បើចង់បោះទុនតូចធំឬចង់រកស៊ីចូលហ៊ុនជាមួយអ្នកដទៃ ត្រូវចេះត្រួតពិនិត្យឱ្យបានគ្រប់ជ្រុងជ្រោយបើពុំនោះទេអាចជួបផលអាក្រក់ណាមួយនៅថ្ងៃខាងមុខជាក់ជាពុំខាន។
ស្នេហា ៖ កំលោះក្រមុំមិនសូវមានការលូតលាស់ទៅមុខទេហើយពិសេសងាយកើតជម្លោះវិវាទដោយសារម្នាក់ៗចង់ចាញ់ឈ្នះគ្នារៀងៗខ្លួន៕
ឆ្នាំច
រាសីស្រុតចុះ។
ការងារ ៖ នៅថ្ងៃនេះ បើទោះបីធ្វើអ្វីក៏ដោយលោកអ្នកមិនត្រូវផ្សងព្រេងឬបំពេញកិច្ចការធំដុំពេកឡើយពីព្រោះថាផលមិនល្អនោះងាយកើតមានណាស់។
ជំនួញ ៖ ការទិញចូលលក់ចេញគ្រាន់រស់រវើកឯបើលោកអ្នកចង់រើទីកន្លែងលក់ដូរក៏ជាឱកាសល្អប្រពៃណាស់ដែរ។ការធ្វើដំណើរទីជិតឆ្ងាយមានការប្រទាំងប្រទើសហើយឱ្យប្រយ័ត្នក្រុមមនុស្សបៀតបៀនយាយីដោយប្រការណាមួយ។
ស្នេហា ៖ កើតមានរឿងរ៉ាវប្រទាំងប្រទើសគ្នាច្រើនដូច្នេះទាល់តែចេះអត់ឱនឱ្យគ្នាខ្លះទើបគ្មានរឿងរ៉ាវជម្លោះវិវាទសង្គ្រាមពាក្យសម្តីឡើង៕
ឆ្នាំកុរ
រាសីល្អជាមធ្យម។
ការងារ ៖ នៅថ្ងៃនេះលោកអ្នកអាចប្រកបការងារមានការចម្រើនលូតលាស់សន្សឹមៗទៅមុខជាជានិច្ច ហើយពិសេសបើមានការលំបាកអ្វីដោះស្រាយតែងសម្រេចជោគជ័យផង។
ជំនួញ ៖ មុខជំនួញមិនមានអ្វីប្រែប្រួលប្តូរផ្លាស់គួរជាទីកត់សំគាល់ទេគឺដូចសព្វមួយដង។ការធ្វើដំណើរឆ្ងាយជិតចូរប្រយ័ត្នជួបគ្រោះយាយីបន្តិចពីព្រោះងាយកើតមានផង។
ស្នេហា ៖ ងាយមានជម្លោះវិវាទណាស់ គួរមានការប្រយ័ត្នប្រយែងពាក្យសម្តីបន្តិចទើបប្រសើរ៕