ឆ្នាំជូត
រាសីល្អជាមធ្យម។
ការងារ ៖ នៅថ្ងៃនេះការប្រកបការងាររបស់លោកអ្នកមានការចម្រើនលូតលាស់សន្សឹមៗទៅមុខ ហើយកំពុងមានភាពសុខដុមគួរសម។
ជំនួញ ៖ ផលកម្រៃមានហូរចូលគ្រាន់បំពេញបំពង់អញ្ចឹងដែរ តែយ៉ាងណាលោកអ្នកគួរប្រយ័ត្នប្រយែងការមានជម្លោះវិវាទជាមួយក្រុមមនុស្សក្បែរខ្លួនឬពីចម្ងាយដោយប្រការណាមួយផង។
ស្នេហា ៖ កម្លោះក្រមុំងាយកើតជម្លោះវិវាទដោយសារការមិនសូវចេះអត់ឱនឱ្យគ្នា៕
ឆ្នាំឆ្លូវ
រាសីស្រុតចុះ។
ការងារ ៖ នៅថ្ងៃនេះបើលោកអ្នកមានរឿងរាវរកាំរកូសច្រើនត្រូវចេះរំងាប់ចិត្តឱ្យត្រជាក់ហើយមិនត្រូវតបតជាមួយក្រុមមនុស្សបាបមិត្តឡើយ ពុំនោះទេបញ្ហានឹងរត់ចូលមិនចេះចប់ឡើយ។ ក្រៅពីនេះកិច្ចការងារចូរប្រយ័ត្នចៅហ្វាយនាយថាស្តីបន្ទោសណាមួយឡើងគប្បីប្រយ័ត្នប្រយែង។
ជំនួញ ៖ការចេញធ្វើជំនួញមិនត្រូវឱ្យអតិថិជនជំពាក់ប្រាក់ច្រើនទ្បើយ ប្រយ័ត្នជួបរឿងដូចពាក្យចាស់ថាពេលឱ្យជំពាក់ធូរដូចទឹកហូរឯការសងមកវិញតឹងដូចអូសឫស្សីបញ្ច្រាសចុង ហើយស្រួលមិនស្រួលកើតមានជម្លោះវិវាទឈានដល់ការប្រកាប់ប្រចាក់គ្នាថែមទៀត។
ស្នេហា ៖ កំលោះក្រមុំបើចង់ធ្វើការជ្រើសរើសគូស្រករពុំល្អទេគប្បីមានការត្រួតពិនិត្យឱ្យបានគ្រប់ជ្រុងជ្រោយព្រោះច្រើនជួបគូកម្មច្រើនជាងគូព្រេង៕
ឆ្នាំខាល
រាសីខ្ពស់ត្រដែត។
ការងារ ៖ នៅថ្ងៃនេះលោកអ្នកធ្វើអ្វីក៏ជឿនលឿនទៅមុខនិងពិសេសអាចទទួលដំណឹងល្អក្នុងរឿងអ្វីមួយផង។
ជំនួញ ៖ ថ្ងៃនេះដែរបើលោកអ្នកចង់ផ្លាស់ប្តូរមុខរបរថ្មីឬបើកធ្វើជំនួញតូចធំតែងផ្តល់ផលល្អៗមកវិញជានិច្ច។ការធ្វើដំណើរឆ្ងាយជិតជួបភាពសុខដុមនិងក្រុមមនុស្សស្វាគមន៍រាក់ទាក់ជានិច្ច។
ស្នេហា ៖ មានភាពស្រស់ស្រាយនិងផ្អែមល្ហែមប្រពៃ៕
ឆ្នាំថោះ
រាសីខ្ពស់ត្រដែត។
ការងារ ៖ នៅថ្ងៃនេះដំណើរជីវិតរបស់លោកអ្នក ល្អប្រសើរ ហេតុនេះបើចង់ប្រកបកិច្ចការងារតូចធំឃើញថាមានការជឿនលឿននិងហុចផ្លែផ្កាមកវិញគ្រាន់ជាទីកក់ក្តៅជានិច្ច។ ក្រៅពីនេះបើមានកិច្ចការអ្វីសំខាន់លោកអ្នកគប្បីប្រញាប់ធ្វើកុំរង់ចាំយូរព្រោះថ្ងៃនេះជាឱកាសល្អក្នុងការបំពេញការងារផង។
ជំនួញ ៖ មានភាពកាក់កបគួរសម ហើយកំពុងមានភាពសុខដុមប្រពៃ។
ស្នេហា ៖ ប្រុសស្រីបើចង់ផ្សំផ្គុំគ្រួរសារជាឱកាសល្អបំផុតនិងបើមានជម្លោះវិវាទជាពេលវេលាល្អក្នុងការផ្សះផ្សារទៀតផង៕
ឆ្នាំរោង
រាសីស្រុតចុះ។
ការងារ ៖ ក្នុងថ្ងៃនេះឃើញថា ដំណើរជីវិតរបស់លោកអ្នកមានការជឿនលឿនទៅមុខនិងមានជោគមានសិរីគ្រាន់គាប់ប្រសើរផង។
ជំនួញ ៖ ការចេញធ្វើជំនួញទីជិតឆ្ងាយមានភាពលំនឹងល្អពោលគឺការរកផលចំណូលលោកអ្នកអាចរកបានគ្រាន់បំពេញក្រពះផង។ ការធ្វើដំណើរឆ្ងាយជិតជួបភាពប្រទាំងប្រទើសនិងបញ្ហាយាយីច្រើនបន្តិច។
ស្នេហា ៖ កំលោះក្រមុំឬពោះម៉ាយមេម៉ាយក្តីកុំគប្បីភ្លើតភ្លើនហួសព្រំដែនប្រយ័ត្នរែកពន់ទុក្ខសោកមកវិញហើយនាំមានវិបត្តិទៅគ្រាខាងមុខ៕
ឆ្នាំម្សាញ់
រាសីល្អជាមធ្យម។
ការងារ ៖ នៅថ្ងៃនេះឃើញថាដំណើរជីវិតរបស់លោកអ្នកងើបប្រសើរឡើងវិញមិនថាជាកិច្ចការងារឬប្រាក់កាសតែងផ្តល់ជាផ្លែផ្កាមកវិញផង។
ជំនួញ ៖ របររកស៊ីជួញដូរជួបលើផលលំបាកច្រើនព្រោះចំណូលរកបានដោយតានតឹងនិងភាគច្រើនលាភហេងធំៗច្រើនបោលហួសជានិច្ច។ការធ្វើដំណើរឆ្ងាយជិតមិនសូវជួបបញ្ហាលំបាកទេគឺដូចសព្វមួយដង។
ស្នេហា ៖ ប្រុសស្រីកុំចង់ចាញ់ឈ្នះគ្នាដោយសារការចិត្តខ្លាំងប្រយ័ត្នជម្លោះឈានដល់ការបែកបាក់៕
ឆ្នាំមមី
រាសីខ្ពស់ត្រដែត។
ការងារ ៖ រាល់ការប្រកបការងារតែងផ្តល់ជាផ្លែផ្កាមកវិញជាទីគាប់ប្រសើរ។ សម្រាប់កិច្ចការងារថ្មីចាស់បើមានការសម្រុកឬព្យាយាមពុះពារក៏តែងអាចទម្លុះទម្លាយសម្រេចជោគជ័យផងដែរ។
ជំនួញ ៖ អ្នកអាជីវករទោះមានការជួញទីជិតឆ្ងាយតែងអាចប្រមូលភោគផលចូលផ្ទះវិញយ៉ាងត្រជាក់ចិត្ត។
ស្នេហា ៖ មានភាពផ្អែមល្ហែមនិងស្រស់ស្រាយចំពោះគ្នាប្រពៃណាស់៕
ឆ្នាំមមែ
រាសីស្រុតចុះ។
ការងារ ៖ នៅថ្ងៃនេះមានបញ្ហារាំងស្ទះខ្លះៗយាយី ហេតុនេះបើមានការប្រឹងប្រែងតែងទទួលជោគជ័យត្រឡប់មកវិញផង។
ជំនួញ ៖ មានការជឿនលឿនទៅមុខតិចតួចហើយបើថយក្រោយនោះក៏មានច្រើន។ការធ្វើដំណើរឆ្ងាយជិតចូរប្រយ័ត្នកើតបញ្ហាណាមួយដោយសារអ្នកដទៃបង្កឡើង។
ស្នេហា ៖ ងាយទាំងផ្អែមល្ហែមហើយក៏ងាយកើតរឿងរាវទាស់ទែង៕
ឆ្នាំវក
រាសីល្អជាមធ្យម។
ការងារ ៖ នៅថ្ងៃនេះទោះបីលោកអ្នកធ្វើអ្វីក៏ដោយត្រូវចេះធ្វើសន្សឹមៗកុំបំបោល ហើយមិនត្រូវលោភលន់ឡើយបើពុំនោះទេពិតជាជួបរឿងដូចពាក្យចាស់ថាចង់ចំណេញពិតជាដាច់ចំណងជាក់ជាពុំខាន។ ក្រៅពីនេះបញ្ហាប្រាក់កាសលោកអ្នកគប្បីប្រយ័ត្នប្រយែងបន្តិចពីព្រោះងាយហូរធ្លាយនិងចាញ់បោកគេណាស់ដែរ។
ជំនួញ ៖ ក្នុងអំឡុងពេលនេះមុជមិនជ្រៅទៅមិនឆ្ងាយប៉ុន្មានទេ ហើយទាល់តែខិតខំខ្លាំងទើបសម្រេចកិច្ចការធំៗទៅរួច។
ស្នេហា ៖ ជួបបញ្ហាងាយថយក្រោយតែពិបាករុលទៅមុខហើយបើមានជម្លោះវិវាទផងងាយបាក់បែកណាស់ដែរ៕
ឆ្នាំរកា
រាសីស្រុតចុះ។
ការងារ ៖ នៅថ្ងៃនេះលោកអ្នកធ្វើអ្វីក៏ដោយតោងតែប្រយ័ត្នប្រយែង និងចេះមើលមុខក្រោយទើបពុំមានបញ្ហាមិនល្អណាមួយចោទឡើង។
ជំនួញ ៖ នៅថ្ងៃនេះដែរការជួញដូរពេលព្រឹកមានភាពរកាំរកូសច្រើន តែថ្ងៃបន្តិចពេលព្រះអាទិត្យរះពេញអាកាសវេហាឧបទ្រពចង្រៃទាំងពួងនឹងវិនាសជាអហោសិកម្មអស់ហើយលោកអ្នកប្រកបរបរពេញដៃពេញជើងឡើងវិញ។
ស្នេហា ៖ មានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំច
រាសីខ្ពស់ត្រដែត។
ការងារ ៖ នៅថ្ងៃនេះបញ្ហាតូចធំមួយចំនួនបានធូរស្បើយ ហើយធ្វើអ្វីឃើញថាជឿនលឿនគួរសម។
ជំនួញ ៖ បើលោកអ្នកចង់បោះទុនតូចធំឬចង់រកស៊ីចូលហ៊ុនជាមួយអ្នកដទៃត្រូវចេះត្រួតពិនិត្យឱ្យបានគ្រប់ជ្រុងជ្រោយបើពុំនោះទេអាចជួបផលអាក្រក់ណាមួយនៅថ្ងៃខាងមុខជាក់ជាពុំខាន។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ ។
ស្នេហា ៖ ប្រុសស្រីកុំជ្រួលជ្រើមខុសបែបបទប្រយ័ត្ននាំក្តីទុក្ខលំបាកមកវិញ៕
ឆ្នាំកុរ
រាសីល្អជាមធ្យម។
ការងារ ៖ នៅថ្ងៃនេះលោកអ្នកជួបបញ្ហានឿយហត់ ពិសេសរឿងរាវតូចធំតែងចូលយាយីច្រើនទៀតផង។ ទោះបីយ៉ាងណាលោកអ្នកអាចមានជីវិតគាប់ប្រសើរជាងមុន បើសិនមានការព្យាយាមអត់ធ្មត់ក្នុងការបំពេញការងារ។
ជំនួញ ៖ ក្នុងថ្ងៃនេះចូរប្រយ័ត្នពាក្យសម្តីបន្តិច ព្រោះងាយប៉ះទង្គិចជាមួយមនុស្សនៅជុំវិញខ្លួនបង្កើតជារឿងរាវតូចធំណាស់ ។
ស្នេហា ៖ កុំចង់យកកំហឹងទល់កំហល់ប្រយ័ត្នកើតជម្លោះវិវាទឈានដល់ការបែកបាក់៕